Frøydis er eit kvinnenamn som går tilbake til det norrøne Frey-dís. I dette toledda namnet er forleddet gudenamnet Frøy. Etterleddet tyder ‘dis; kvinne’.
Frøydis (kvinnenamn)
Kjende personar med namnet Frøydis
Eit utval personar med namnet Frøydis, og som er omtalt i Store norske leksikon:
- Frøydis Haavardsholm (1896–1984)
- Frøydis Ree Wekre (1941)
- Frøydis Klausberger (1946)
- Frøydis Armand (1949–2022)
Namnestatistikk
I 2022 var det 1 584 kvinner i Noreg som hadde Frøydis som det einaste førenamnet eller som det fyrste av fleire. I 2022 var det 5 jenter som fekk namnet Frøydis.
Utvikling i bruk av namnet
Glanstida for dei nordiske samansette kvinnenamna var perioden 1920–1949, til dømes Asbjørg, Borgny, Ingebjørg, Jorunn, Målfrid, Svanhild og Torbjørg. Frøydis var mest brukt 1950–1954, og dette var rett etter topp-perioden for dei fleste samansette namna.
Utvikling i bruk av namnet Frøydis frå 1880
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.