Elias – Guttenavn. Betydning og bruk

Elias går via latin og gresk tilbake til det hebraiske mannsnamnet Elijah som tyder ‘Gud er Jahve’.

Namnedag er 12. juli. Eldar har også namnedag denne dagen.

Personar med namnet Elias

Kulturell bruk

Barneforteljingar om redningsskøyta Elias (frå 1999) i bøker og på TV.

Kjende personar med namnet Elias

Eit utval personar med namnet Elias, og som er omtalt i Store norske leksikon:

Elias Fiigenschoug (1600–1661)
Elias Lönnrot (1802–1884)
Elias Howe (1819–1867)
Elias Blix (1836–1902)
Anthon Bernhard Elias Nilsen (1855–1936)
Elias Peter Hansen Hofgaard (1856–1906)
Elias Corneliussen (1881–1951)
Elias Canetti (1905–1994)
Olav Elias Sønderland (1942)
Elias Akselsen (1947)

Namnestatistikk

I 2022 var det 8 542 menn i Noreg som hadde Elias som det einaste førenamnet eller som det fyrste av fleire, og Elias var blant dei hundre mest brukte namnet blant norske menn. I 2022 var det 277 gutar som fekk namnet Elias, og det var det niande mest populære gutenamnet dette året.

Utvikling i bruk av namnet

Elias er blant dei bibelske namna som var noko brukte tidleg på 1800-talet og som fekk eit nytt oppsving rundt år 2000. Andre døme på bibelske namn med liknande kurveprofil er Andreas, Daniel, Gabriel, Isak, Jakob, Johannes, Jonas og Samuel. Populariteten for slike bibelske namn kan sjåast i samanheng med det internasjonale oppsvinget for desse namna dei siste åraOgså barneforteljingane om redningsskøyta Elias (frå 1999) i bøker og på TV kan ha medverka til populariteten til Elias i nyare tid. TV-serien gjekk over 39 episodar frå 2005 til 2009, og ein ny serie på 52 episodar har vore i gang sidan 2014. åra.

Geografisk variasjon på 1800-talet

Elias var mest brukt i Møre og Romsdal.

Geografisk variasjon i bruk av namnet Elias på 1800-talet.

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Elias var mest brukt i Møre og Romsdal. (I søylene inngår det også ein eller fleire stavevariantar, til dømes Ellias.)

Historisk bruk av namnet Elias

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må vere logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet