Camilla (kvinnenamn)

Dei fyrste som vart registrerte med namnet, var forfattarinna Camilla Collett (fødd Wergeland) og Camilla Marie Roosen (fødd Thrane), busett i Trondheim 1865. Dei var begge fødde i 1813. Camilla Collett hadde opphavleg dobbeltnamnet Jacobine Camilla.

• I Vergils «Aeneiden» (19 f.Kr.) er Camilla ein kvinneleg krigar som kjempar i hæren til Aeneas.

Eit utval personar med namnet Camilla, og som er omtalt i Store norske leksikon:

• Camilla Collett (1813)
• Camilla Wicks (1928)
• Camilla Carlson (1930)
• Camilla Mickwitz (1937)
• Camilla (dronning av Storbritannia) (1947)
• Camilla Merete Myhre (1967)
• Camilla Martens (1969)
• Camilla Läckberg (1974)
• Camilla Herrem (1986)

Namnestatistikken for 1800-talet baserer seg på folketeljingar, og då var det oftast registerføraren som bestemte kva for stavevariant som skulle førast inn i teljinga – ikkje namneberaren sjølv. Derfor er variantane Camilla og Kamilla slått saman, og dei er presenterte med ei felles kurve for 1800-talet. Trestava kvinnenamn med endinga -a er oftast utanlandske namn, og dei var lite brukte på 1800-talet og fram til midten av 1900-talet. Frå da av – eller litt seinare – byrja dei å bli populære. I tillegg til Camilla gjeld dette mellom anna Anita, Marita og Karina. Sidan år 1900 har Camilla vore brukt 5,5 gongar meir enn Kamilla.