Austurvöllur er eit sentralt torg i Islands hovudstad Reykjavík. Plassen er for ein stor del grasdekt med gangvegar. Midt på plassen står Einar Jónssons statue av Islands sjølvstyreforkjempar Jón Sigurðsson.
Ved den søre enden av plassen står Alltingsbygningen frå 1881, teikna av Ferdinand Meldahl. Her ligg også Reykjavíks domkyrkje (Dómkirkjan), reist 1788–1796. På austsida av plassen ligg luksushotellet Borg, teikna av Guðjón Samúelsson i gjennomført art deco-stil.
Austurvöllur har vore samlingsstad for demonstrasjonar og politiske protestar, særleg i samband med den økonomiske kollapsen i 2008.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.