Aulestad

Bjørnstjerne Bjørnson kjøpte garden i 1874 for 16 000 spesidalar. Av det samla arealet på 2000 dekar var 150 dekar dyrka mark.

Takk vere Karoline Bjørnsons innsikt og interesse vart den gamle hovudbygningen frå omkring 1800 monaleg forandra og forbetra, blant anna med veranda som omgir første høgda på tre kantar. Husa med tun og hage vart freda i 1923 og statseigd museum i 1926. Gardsbruket tilhøyrer framleis familien Bjørnson og utgjer ei drftseining på 450 dekar dyrka mark og 1500 dekar skog.

Frå 1965 vart leiinga av Aulestad underlagt De Sandvigske Samlinger på Lillehammer, Maihaugen.

Miljøet er så langt råd bevart uendra frå Bjørnsons tid. To tidlegare gjesterom er omgjorde til utstillingsrom med Bjørnson-minne: manuskript, helsingar, takkeadresser, fotografi med meir. Elles rommar Aulestad samlingar av skulptur og måleri av norske og utanlandske kunstnarar, sølvtøy, krystall og anna – for ein stor del gåver til Bjørnson. Samlingane omfattar cirka 3000 gjenstandar.

• Gausdal

• Nettstaden til Aulestad

• Bjørnson, Bjørn (1955). Aulestad-minner. Les boka på nb.no
• Bjørnson, Else (1957). Aulestad: Karoline og Bjørnstjerne Bjørnsons hjem. Les boka på nb.no
• Langeland, Knut (2002). Hageliv på Aulestad: Bjørnsonfamilien og deres planter. Les boka på nb.no
• Ågotnes, Jakob E. (1992). I Bjørnstjernes hus. Les boka på nb.no