Adrian – Guttenavn. Betydning og bruk

Adrian er eit mannsnamn som kjem av det latinske namnet Hadrianus. Det tydde opphavleg ‘mann frå byen Hadria’ (Nord-Italia).

Familien til den romerske keisaren Hadrian (76–138) kom frå byen Hadria.

Namnedag er 4. mars. Ada har også namnedag denne dagen.

Personar med namnet Adrian

Kulturell bruk

Adrian i «Jan van Huysums blomsterstykke» (1840) av Henrik Wergeland.
TV-serien om Adrian Mole (1985–1987) er basert på to bøker av Sue Townsend.

Kjende personar med namnet Adrian

Eit utval personar med namnet Adrian, og som er omtalt i Store norske leksikon:

Adrian Willaert (1490–1562)
Adrian Benjamin Bentzon (1777–1827)
Adrian Jacobsen (1853–1947)
Adrian Carton de Wiart (1880–1963)
Adrian Boult (1889–1983)
Anton Adrian Mussert (1894–1946)
Aarne Adrian Ervi (1910–1977)
Adrian Frutiger (1928–2015)
Adrian Henri (1932–2000)
Adrian Năstase (1950)
Adrian Angelico (1979)

Namnestatistikk

I 2022 var det 10 495 menn i Noreg som hadde Adrian som det einaste førenamnet eller som det fyrste av fleire, og Adrian var blant dei hundre mest brukte namnet blant norske menn. I 2022 var det 111 gutar som fekk namnet Adrian.

Utvikling i bruk av namnet

I tillegg til dei bibelske namna er det stort sett berre namn av gresk og latinsk opphav som har tre stavingar, til dømes Adrian. Dette gjeld dessutan namn som Fabian, Julian, Kristoffer, Leander, Marius, Nikolai og Teodor. Til liks med mange bibelske namn var desse klassiske namna mest brukte rundt år 2000.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet