Alfanumerisk er eit namn på noko som er sett saman av både alfabetiske og numeriske teikn, det vil seie bokstavane i det latinske alfabetet og siffera 0 til 9. Ordet blir mellom anna brukt om tastatur eller skjermar som inneheld både bokstavar og tallteikn.
Omgrepet vert somme gonger brukt så snevert at dei norske bokstavane Æ, Ø og Å (og andre særeigne bokstavar for andre språk) ikkje er omfatta, andre gonger vidt nok til å omfatte alle teikn som finst på eit standard tastatur (også ordmellomrom).