Kverkfjöll er ein bredekt kjeglevulkan på Island, på nordsida av Vatnajökull. Det høgste punktet er 1764 meter over havet, men med iskappe når han opp i 1920 meter. Under isen har vulkanen to elliptiske kalderaer som er 8 × 5 kilometer i diameter.
Kverkfjöll høyrer til ei sprekkesone som strekker seg 60 kilometer mot nordaust langs Kverkhnúkar. Det siste utbrotet skjedde under isen i 1968, mens det siste eksplosive utbrotet skjedde i 1929. Varmen frå vulkanen skaper store, ustabile isgrotter og fører smeltevatn til elva Jökulsá á Fjöllum og Dettifoss.