Husqvarna AB er eit svensk industriselskap som utviklar, produserer og sel hage- og skogverktøy.
Selskapet blei grunnlagt i 1689, og er dimed ein av dei eldste bedriftene i Sverige. I perioden 1977–2006 var selskapet eigd av Electrolux, men er i dag eit eige aksjeselskap. Hovedkarteret ligg i Jönköping, Sverige.
Husqvarna driv no utvikling, produksjon og sal av hage- og skogbruksprodukt som motorsager, grasklipparar, jord- og snøfresarar, mobile sagbruk, med meir. Selskapet eig meir enn 2600 patent. I 2013 hadde Husqvarna ei omsetning på omtrent 54 milliardar svenske kroner og omtrent 14 000 tilsette.
Historikk
Husqvarna blei grunnlagt i 1689 ved Huskvarna i Småland som kongeleg geværfabrikk. Selskapet var frå 1757 privateigd, men blei i 1867 aksjeselskap under namnet Husqvarna Vapenfabriks AB. I 1970 fekk det namnet Husqvarna AB, før det i 1977 blei overteke av Electrolux. Husqvarna produserte etter kvart òg ulike sivile varer, blant anna:
- symaskiner (1872–1897)
- støpejernsprodukter (blant anna vedomnar)
- syklar (1896–1962)
- motorsyklar (1903–1987)
- varmekjelar
- oppvask- og vaskemaskiner
- mikrobølgjeomnar
- skog- og hagereiskap, blant dei grasklipparar (frå 1918) og motorsager (frå 1959).
Det meste av våpenproduksjonen blei utskilt 1969 og overteke av fabrikkane til det svenske forsvaret, og den siste produksjonen av jaktvåpen stoppa i 1988. Produksjonen av symaskiner blei i 1997 selt til det svenske investeringsfondet Industri Kapital og innlemma i selskapet VSM Group under merkenamnet Husqvarna Viking. Sykkelproduksjonen blei i 1962 overteken av Monark. Etter salet til Electrolux blei òg produksjonen av ei rekkje hushaldsprodukt (komfyrar, kjøleskap, vaskemaskiner, med meir) flytta til det andre anlegget til Electrolux-konsernet, men Husqvarna blei behalden som varemerke.
Motorsyklar
Selskapet bygde sin første motorsykkel i 1903, og byrja i 1920 òg med eigenproduserte, kraftige motorar. Husqvarna var rundt 1930 kjent for raske roadracere med V-motor, og dessutan endurosyklar. I 1935 starta produksjonen av lette motorsyklar under namn som «Svartkvarna» (1946) og «Silverpilen» (1957), og mot slutten av 1950-åra òg motocrosssyklar, som svenske førarar vann fleire verdsmeisterskapar med dei to neste tiåra. Motorsykkelverksemda blei i 1987 overteken av italienske Cagiva, og var frå 2007 eid av BMW, frå 2013 har motorsykkelverksemda vore eigd av KTM og motorsykkelmerket Husqvarna blir framleis produsert i Austerrike og India