Sivert Knudsen Aarflot var ein norsk gardbrukar, folkeopplysar, lærar og publisist. Frå 1778 var han omgangsskulelærar, frå 1793 gardbrukar på farsgarden, og frå 1798 lensmann i Volda, der han kjøpte garden Ekset i 1800. Aarflot var ein ivrig folkeopplysingsmann, og dreiv undervisning for vaksne i mellom anna naturhistorie, geografi, historie og astronomi.
Aarflot grunnla trykkjeri på Ekset i Volda, som no er museum. Her gav han ut naturhistoriske og økonomiske skrifter, mellom anna Norsk Landboeblad i åra 1810–1816. Boksamlinga si gav han til eit folkebibliotek for Volda og Ørsta, det første på landsbygda i Noreg.
Les meir i Store norske leksikon
Eksterne lenker
Litteratur
- Fet, Jostein: Eksetiana : Aarflots prenteverk 1809–1935 : bibliografi og kulturhistorie, 2006