Х, х (kyrillisk bokstav)

Х (majuskel), х (minuskel) er ein bokstav i det kyrilliske alfabetet.

Dei kursive formene er Х, х.

Х, х er grafisk identisk med den latinske bokstaven X, x, men med den same lydverdien [x] som gresk Χ (khi), som han stammar ifrå.

Х, х vert transkribert som kh, h, x og ch i språk skrivne med det latinske alfabetet:

• i norsk som kh for belarusisk, bulgarsk, russisk og ukrainsk, og som h for makedonsk og serbisk;
• i svensk og dansk som ch for belarusisk, bulgarsk, russisk og ukrainsk;
• i engelsk som kh for belarusisk, bulgarsk, russisk og ukrainsk, og som h for makedonsk og serbisk;
• i fransk som kh for belarusisk, russisk og ukrainsk;
• i tysk som ch for belarusisk, bulgarsk, russisk og ukrainsk;
• i vitskapleg ISO 9 transkripsjon som h for alle språk;
• elles i andre vitskaplege system mest som x eller h.

Døme: Харків ‘Kharkiv’, Херсон ‘Kherson’ (byar i Ukraina), Рахманинов ‘Rakhmaninov’ (Sergej A. Rakhmaninov, russisk komponist).

Rekkjefylgda i ulike kyrilliske alfabet: