av islandsk öræfi 'ødemark'
Island
Öræfajökull er ein jøkelvulkan på Island, i den sørlege delen av Vatnajökull.
Öræfajökull er den største aktive vulkanen på Island og den nest største i Europa, med kraterdiameter 5 kilometer og 1800 meter som gjennomsnittleg høgde på kraterkanten. Det høgaste partiet, Hvannadalshnúkur, er Islands høgaste fjell og måler 2110 meter over havet.
Öræfajökull hadde store utbrot i 1362 og 1727. Utbrotet i 1362 var eksplosivt og produserte større mengder tefra enn noko anna vulkanutbrot på Island i historisk tid. Bygda Hérað nedunder breen blei fullstendig øydelagt av flaum og oskenedfall. Området blei seinare kalla Öræfi ('Ødemark'), og er i liten grad blitt busett på nytt. Utbrotet i 1727 var også eksplosivt, men mindre enn i 1362.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.