Burkina Faso

Burkina Faso
lippu	vaakun
Staatâhäämi	täsiväldi
President	Ibrahim Traoré
Uáivikaavpug	Ouagadougou
Eres kaavpugeh	Bobo Dioulasso Koudougou
Vijđodâh	274 200 km²
Virgáliih kielah	ranskakielâ
Vaaluut	CFA-frangi (XOF)
Äigi	UTC
Jiečânâsvuotâ
– Ranskaast	5. porgemáánu 1960
Uánádâs	BF
Jotolâh	uálgispiälásâš
Sundenummeer	+226
Aalmuglâšlaavlâ	Une Seule Nuit

Burkina Faso lii staatâ Afrikist. Ton uáivikaavpug, Ouagadougou, lii kaskoo staatâ.

Historjá

Neoliitlâš paje áákšuh láá kavnum tááláá Burkina Faso raajij siste.

Burkina Faso lâi paijeel 500 ihheed uási Mossij väldikode ovdilgo tast šoodâi Ranska sirdoeennâm ive 1904. Tot finnij jiečânâsvuođâs Ranskaast juovlâmáánu 11. peeivi 1960, talle vala noomáin Upper Volta, "Paje-Volta". Nommâ Burkina Faso valdui kiävtun ive 1984. Jurgâlus noomân lii "Rehelij ulmui eennâm".

Eennâmtiätu

Burkina Faso lii Viestâr-Afrik sisenâmist.

Burkina Faso vijđodâh lii 274 200 km². Vijđoduv mield Burkina Faso lii maailm 76. stuárráámus staatâ.

Sajadâh já rääjih

Burkina Faso lii siseennâm Viestâr-Afrikist. Ton ránnjástaatah láá mäddin Elefanttähtiriddo, Ghana já Togo, maadânuorttân Benin, tavenuorttân Niger já tavveen Mali. Burkina Faso kuhemus rääji lii Malijn; tot lii 1 325 km kukke. Uánihumos lii 131 km rääji Togoin.

Morfologia

Táálu Burkina Faso Tenakourou čohe alda

Burkina Faso alemus saje lii Tenakourou čokke (749 m); vyeligumos lii Mouhounjuuhâ (200 m).

Stuárráámus uási Burkina Fasost lii saavaan.

Viehâdâh

Ässeeloho

Burkina Fasost ääsih ohtsis masa 20,9 miljovn olmožid (2020).

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Burkina Faso.