Mario Puddu
Limba Sarda Comuna. Abbàida sas àteras bariedades gràficas:
| Mario Puddu | |
|---|---|
| Àteros nùmenes | Màriu Puddu
Màrio Puddu Mario Pudhu |
| Nàschida | 1944 Illorai |
| Residèntzia | Santu Giuanni Suèrgiu |
| Natzionalidade | sarda |
| Tzitadinàntzia | italiana |
| Genitores | Mama: Pepa Dore Babbu: Antoni Puddu |
| Alma mater | Universidade de Casteddu |
| Traballu | iscritore,poeta e istudiosu de sa limba sarda |
| Religione | Cristianèsimu |
Mario Puddu (Illorai, 1944) est un'iscritore, poeta e istudiosu sardu de sa limba sarda.
Biografia
[modìfica | modìfica su còdighe de orìgine]Fìgiu de Antoni Puddu e Pepa Dore[1][2] pustis de àere traballadu pro 18 annos comente pastore, pro agiudare sa famìlia sua, est resèssidu a pigare tres diplomas de iscola superiore e, a pustis, a si laureare in Pedagogia in s'Universidade de Casteddu, cun una tesi dedicada a sa Psicologia isperimentale subra de sos efetos de sa mancàntzia de sa figura paterna in sos fìgios de sos emigrados.[1]
A pustis, dae sos annos '70, at incumintzadu a publicare òperas ligadas a sa limba sarda, intre sas cales sunt de annotu una grammàtica de su sardu e su primu ditzionàriu de sa limba sarda cun definitziones in sardu, ambas bortas cun sa domo editora Condaghes.[3] Una versione interativa, in lìnia, de su ditzionàriu suo est a disponimentu in unu situ frunidu dae sa Regione Autònoma de Sardigna.[4]
In su 2001 at fatu una proposta de norma ortogràfica pro su sardu, chi at mutidu Limba de Mesania, e in su 2006 at fatu parte de sa commissione pro sa formulatzione de sa LImba Sarda Comuna, paris a Michel Contini, Diegu Corràine, Roberto Bolognesi,Giulio Angioni, Manlio Brigaglia, Giovanni Lupinu, Anna Oppo, Giulio Paulis e Maria Teresa Pinna Catte.[5]
At publicadu fintzas unu romanzu autobiogràficu, Alivertu. Sa colonizatzione de unu pastore, in su 2004, e una regorta de cantos religiosos in su 2010.[6]
Òperas
[modìfica | modìfica su còdighe de orìgine]- Pro chi líbbera torres e sias!, illustratziones de Diego Asproni, editziones calarighe, 1991.
- Ditzionàriu de sa limba e de sa cultura sarda : DitzLcs, illustratziones de Giovanni Sedda, Casteddu, Condaghes, 2000, ISBN 88-86229-74-7, OCLC 45152726.
- Totu su sardu: osservatziones e annuntas a sa proposta de sa Cummissione regionale, Condaghes, 2001.
- Istória de sa limba sarda, 2. ed, Patiolla, Domus de Janas, 2003, ISBN 88-88569-03-0, OCLC 315853107.
- Contos e faulas, Alfa Editrice, 2003.
- Alivertu. Sa colonizatzione de unu pastore, Condaghes, 2004, ISBN 978-88-7356-058-6.
- Grammàtica de sa limba sarda : grammLS, Casteddu, Condaghes, 2008, ISBN 978-88-7356-124-8, OCLC 298776504.
- Osanna a Tie, Segnore!, Santu Giuanni Suèrgiu, Litotip. Romano Sulas, 2010.
- Ditzionàriu de sa limba e de sa cultura sarda, segundha editzione, Casteddu, Condaghes, 2015, ISBN 978-88-7356-248-1, OCLC 952620327.
- Grammàtica de sa limba sarda : Gramm LS, 2. ed, Casteddu, Condaghes, 2018, ISBN 978-88-7356-311-2, OCLC 1206446314.
- Facciapare: grammàtica cuntrastiva sardu-italianu - volumene I - fonologia, Ilartzi, NOR, 2023, ISBN 978-88-3309-142-6.
Riferimentos
[modìfica | modìfica su còdighe de orìgine]- ↑ 1.0 1.1 (IT) Mario Puddu, in Ichnussa, la biblioteca digitale della poesia sarda. URL consultadu su 6 freàrgiu 2022.
- ↑ (IT) Mario Puddu, in illorai.org. URL consultadu su 6 freàrgiu 2022.
- ↑ Martina, Intervista a Mario Puddu, autore de su “Ditzionàriu de sa limba e de sa cultura sarda” e de sa “Grammàtica de sa limba sarda”, in Limba Sarda 2.0, 27 abrile 2020. URL consultadu s'11 freàrgiu 2023.
- ↑ Ditzionàriu in Línia, in ditzionariu.nor-web.eu. URL consultadu s'11 freàrgiu 2023.
- ↑ (IT) Regione Autònoma de sa Sardigna, DELIBERAZIONE N.20/15 DEL 9.5.2005: Promozione e valorizzazione della cultura e della lingua della Sardegna. Indagine socio-linguistica sulla lingua sarda., 9 maju 2005.
- ↑ (IT) Ad Illorai Piero Marras canta le poesie religiose di Mario Puddu, in Tottus in pari. URL consultadu s'11 freàrgiu 2023.
| Controllu de autoridade | VIAF (EN) 79164067 · ISNI (EN) 0000 0000 5587 9957 · BNF (FR) cb137573428 (data) · LCCN (EN) n94048568 · OL OL615436A · RERO 02-A008878152 · SUDOC (FR) 094843708 · WorldCat Identities (EN) n94-048568 |
|---|