As Tears Go By

«As Tears Go By» Singel av Marianne Faithfull frå albumet Marianne Faithfull
B-side	«Greensleeves»
Språk	engelsk
Utgjeve	Juni 1964
Innspelt	1964
Sjanger	Pop
Lengd	2:33
Selskap	Decca
Komponist	Mick Jagger, Keith Richards, Andrew Loog Oldham
Tekstforfattar	Mick Jagger, Andrew Loog Oldham, Keith Richards
Låtskrivar(ar)	Jagger/Richards/Oldham
Produsent	Andrew Loog Oldham
Marianne Faithfull-kronologi
—	«As Tears Go By»	«Blowin' in the Wind» (1964)

«As Tears Go By» singel av Rolling Stones frå albumet December’s Children (And Everybody’s)
B-side	«Gotta Get Away»
Språk	engelsk
Utgjeve	18. desember 1965
Innspelt	26. oktober 1965, IBC Studios, London
Sjanger	Rock
Lengd	2:45
Selskap	London 45-LON9808
Komponist	Mick Jagger, Keith Richards, Andrew Loog Oldham
Tekstforfattar	Mick Jagger, Andrew Loog Oldham, Keith Richards
Låtskrivar(ar)	Jagger/Richards/Oldham
Produsent	Andrew Loog Oldham
Rolling Stones-kronologi
«Get Off of My Cloud» (1965)	«As Tears Go By»	«19th Nervous Breakdown» (1966)

«As Tears Go By» er ein song av The Rolling Stones skriven av Mick Jagger, Keith Richards og manageren deira Andrew Loog Oldham. Songen vart først gjeven ut og gjort populær av britiske Marianne Faithfull i 1964.

Songen vert rekna som den første songen Jagger og Richards skreiv. Fram til då hadde bandet berre spelt andre sine blues-songar. Ei myte om opphavet til songen var at manageren til Rolling Stones, Andrew Loog Oldham, låste Jagger og Richards inne på eit kjøken og tvinga dei til å skrive ein song i lag. Den opphavlege tittelen var «As Time Goes By», som òg er tittelen på ein song som Dooley Wilson syng i filmen Casablanca. Det var Oldham som endra «Time» til «Tears». Stones hadde til då ikkje spelt balladar før og Oldham gav i staden songen til Faithfull, som då var 17 år, som ei B-side. Resultatet vart derimot så bra at plateselskapet, Decca, endra songen til ei A-side, som vart ein populær singel. Han nådde fjerdeplassen på den britiske singellista og var det store gjennombrotet for Faithfull. I USA gjekk songen opp til 22. plass på Billboard Hot 100.

The Stones spelte inn si eiga i 1965. Han kom ut som B-side til «19th Nervous Breakdown» i Storbritannia. Denne innspelinga er kjend for tungt strykeinstrument av Mike Leander. I USA vart songen gjeve ut som ein eigen singel og han kom ut på albumet December’s Children (And Everybody’s). Songen nådde sjetteplassen på Billboard-lista.

Songen vart første gongen spelt på konsertar av the Stones i november 2005 under A Bigger Bang-turneen.

Medverkande

• Mick Jagger – solovokal
• Keith Richards – 12-streng akustisk gitar
• Mike Leander – strykearrangement

Salslister

Liste (1966)	Plassering
Canada Top Singles (RPM)	1
US Billboard Hot 100	6

Andre utgåver

Andre artistar som har spelt songen er mellom andre Vanessa Paradis, The Primitives, Nancy Sinatra, PP Arnold og Psychic TV.

Bakgrunnsstoff

• Songteksten

Kjelder

• Denne artikkelen bygger på «As Tears Go By» frå Wikipedia på engelsk, den 25. februar 2009.