Back in the USA av MC5

Back in the USA Studioalbum av MC5
Språk	engelsk
Utgjeve	15. januar 1970
Innspelt	1969
Studio	GM Studios i Aust-Detroit i USA
Sjanger	Hardrock, proto-punk, rock and roll
Lengd	28:08
Selskap	Atlantic
Produsent	Jon Landau
MC5-kronologi
Kick Out the Jams (1969)	Back in the USA	High Time (1971)

Back in the USA er det første studioalbumet (og det andre totalt etter konsertalbumet Kick Out the Jams i 1969) av det amerikanske rockebandet MC5. Det kom ut i 15. januar 1970.

Bakgrunn

Det sentrale fokuset på albumet gjekk bort frå den rå og skarpe stilen frå det første albumet deira, Kick Out the Jams (1969). Dette kom delvis av at produsenten Jon Landau misikte den røffe psykedelisk rock-rørsla og føretrekte ein meir beintfram rock and roll-stil.

Landau, som opphavleg skreiv for magasinet Rolling Stone, var på utkikk etter å bli meir involvert i faktisk musikkproduksjon. Han vart nær ven med sjefen i Atlantic Records, Jerry Wexler, og fekk sjansen til å produsere MC5, som nettopp var blitt droppa frå Elektra Records i 1969.

Songar

Opningssporet er ein versjon av den klassiske hitten «Tutti Frutti» av Little Richard. «Let Me Try» er ein ballade. «The American Ruse» går til åtak til det kvintetten frå Detroit såg som den hyklersk ideen til den amerikanske staten om fridom, og «The Human Being Lawnmower» uttrykkjer motstand mot Vietnamkrigen. Den siste songen på albumet, tittelsporet, er ein versjon av Chuck Berry sin «Back in the U.S.A.»

Utgjeving og mottaking

Meldingar
Karakter
Kjelde	Karakter
AllMusic
Robert Christgau	A−
Rolling Stone	middels

Sjølv om albumet vart rekna som ein flopp i starten og mangla kommersiell suksess, vart det seinare rekna som eit viktig album som synte kjernen i stilen til MC5.

I ei seinare melding skreiv Jason Ankeny i AllMusic «Sjølv om det manglar den monumentale innverknaden til Kick Out the Jams, er det andre albumet til MC5 i mange sine auge det beste og mest innverknadstunge».

Ettermæle

I 2011 vart albumet rangert på 451. plassen på lista til magasinet Rolling Stone over dei 500 beste albuma gjennom tidene. NME sette albumet på 490. plass på ei liknande liste.

Innhald

Alle songar er skrivne av MC5, utanom der andre er nemnde.

Side A

Nr.	Tittel	Låtskrivar(ar)	Lengd
1.	«Tutti Frutti»	Dorothy LaBostrie, Joe Lubin, Richard Penniman	1:30
2.	«Tonight»		2:29
3.	«Teenage Lust»		2:36
4.	«Let Me Try»		4:16
5.	«Looking at You»		3:03

Side B

Nr.	Tittel	Låtskrivar(ar)	Lengd
1.	«High School»		2:42
2.	«Call Me Animal»		2:06
3.	«The American Ruse»		2:31
4.	«Shakin' Street»		2:21
5.	«The Human Being Lawnmower»		2:24
6.	«Back in the U.S.A.»	Chuck Berry	2:26

Medverkande

MC5

• Rob Tyner – vokal
• Wayne Kramer – gitar, korvokal, vokal på første og tredje refrenget av «Back in the USA», gitarsoloar på «Tutti Frutti», «Teenage Lust» og «Looking at You»
• Fred «Sonic» Smith – gitar, korvokal, gitarsolo på «The American Ruse», solovokal på «Shakin' Street» og det andre refreenget på «Back in the USA»
• Michael Davis – bass
• Dennis Thompson – trommer

Andre medverkande

• Danny Jordan – klaverinstrument
• Pete Kelly – klaverinstrument

Teknisk

• Jon Landau – produsent
• Jim Bruzzese – lydteknikar
• Stephen Paley – kunstnarisk leiar, fotografi
• Joan Marker – design

Kjelder

• Denne artikkelen bygger på «Back in the USA (album)» frå Wikipedia på engelsk, den 5. mai 2018.
  • Wikipedia på engelsk oppgav desse kjeldene:

Bakgrunnsstoff

• Back in the USA på Discogs (liste over utgjevingar)

447:  Getz/Gilberto  Stan Getz og Joao Gilberto

Plassering på lista til Rolling Stone frå 2012 over dei 500 beste albuma gjennom tidene 446 Back In The USA  Mc5

445:  Fly Like an Eagle  Steve Miller Band