ഹെപ്പറ്റൈറ്റിസ്-ഇ

ഹെപ്പറ്റൈറ്റിസ്-ഇ
ഹെപ്പറ്റൈറ്റിസ്-ഇ
സ്പെഷ്യാലിറ്റി	Infectious diseases, ഒബ്സ്റ്റട്രിക്ക്സ് ആൻഡ് ഗൈനക്കോളജി

ഇംഗ്ലീഷ് വിലാസം

https://ml.wikipedia.org/wiki/Hepatitis_E

ഹെപ്പറ്റൈറ്റിസ്-ഇ വൈറസ് മൂലം കരളിനെ ബാധിക്കുന്ന ഒരു സാംക്രമിക രോഗമാണ് ഹെപ്പറ്റൈറ്റിസ്-ഇ. ഇത് ഒരു ആർ.എൻ.എ. വൈറസ് ആണ്.

രോഗം പകരുന്ന മാർഗ്ഗങ്ങൾ

പ്രധാനമായും മലിനമായ കുടിവെള്ളത്തിലൂടെയോ ഭക്ഷണത്തിലൂടെയോ ആണ് ഈ രോഗം പകരുന്നത്.

താഴെ പറയുന്ന മാർഗ്ഗങ്ങളിലൂടെയും രോഗം പകരാം.

മൃഗങ്ങളിൽ നിന്നും മനുഷ്യരിലേക്ക്.
അസുഖം ബാധിച്ച മൃഗങ്ങളുടെ മാംസം (പ്രത്യേകിച്ച് പന്നിയിറച്ചി) ശരിയായി വേവിക്കാതെ ഭക്ഷിക്കുന്നത് വഴി.
രോഗിയുടെ രക്തമോ രക്ത ഘടകങ്ങളോ സ്വീകരിക്കുന്നത് വഴി.
രോഗിയായ അമ്മയിൽ നിന്ന് ഗർഭസ്ഥ ശിശുവിലേക്ക്. ^[1]

രോഗലക്ഷണങ്ങൾ

രോഗാണു ബാധയുണ്ടായി 3 ആഴ്ച മുതൽ 8ആഴ്ചയ്ക്കുള്ളിൽ രോഗലക്ഷണങ്ങൾ പ്രകടമാവുന്നു.

മഞ്ഞപ്പിത്തം (കണ്ണിലെ വെളുത്ത ഭാഗം,മൂത്രം,ത്വക്ക്,നഖങ്ങൾ എന്നിവ മഞ്ഞ നിറത്തിൽ ആവുക.)
വിശപ്പില്ലായ്മ
ഓക്കാനം,ഛർദ്ദി
വയറുവേദന
പനി ^[2]

രോഗം മൂലം ഉണ്ടാകാവുന്ന സങ്കീർണ്ണതകൾ

അപൂർവ്വമായി ഹെപ്പറ്റൈറ്റിസ്-ഇ രോഗബാധ തീവ്രമായ മഞ്ഞപ്പിത്തത്തിനും കരൾ പ്രവർത്തന രഹിതമാവുന്നതിനും മരണത്തിനും കാരണമാവാം.

രോഗനിർണ്ണയം

മേൽപ്പറഞ്ഞ രോഗലക്ഷണങ്ങൾ ഉള്ള രോഗികളുടെ രക്തത്തിൽ ഹെപ്പറ്റൈറ്റിസ് ഇ വൈറസിനെതിരായ ഐ.ജി.എം.അന്റിബോടികൾ(IgM antibodies) കണ്ടെത്തുകയാണെങ്കിൽ രോഗബാധ ഉറപ്പിക്കാം. കൂടാതെ രോഗികളുടെ രക്തത്തിൽ, കരളിലുൽപാദിപ്പിക്കപ്പെടുന്ന രാസാഗ്നിയായ അലാനിൻ ട്രാൻസ്ഫെറേയ്സിൻറെ(ALT) അളവ് കൂടുതലായിരിക്കും. രക്തത്തിലെ ബിലിറുബിൻറെ അളവ് 5മി.ഗ്രാം./ഡെസിലിറ്റർ മുതൽ 20 മി.ഗ്രാം./ഡെസിലിറ്റർ വരെയാവാം. ^[3]

പ്രതിരോധ മാർഗ്ഗങ്ങൾ

തുറസ്സായ സ്ഥലങ്ങളിലെ മലമൂത്ര വിസർജ്ജനം ഒഴിവാക്കുക
തിളപ്പിച്ചാറ്റിയ വെള്ളം മാത്രം കുടിക്കുക
ഭക്ഷണം വൃത്തിയായി പാകം ചെയ്തു കഴിക്കുക.
ഭക്ഷണം കഴിക്കുന്നതിനു മുൻപ് കൈകൾ സോപ്പുപയോഗിച്ചു കഴുകുക ^[4]

രോഗം പടർന്നു പിടിക്കുമ്പോൾ സ്വീകരിക്കേണ്ട നടപടികൾ താഴെ പറയുന്നവയാണ്.

രോഗം പകരുന്ന മാർഗ്ഗം കണ്ടെത്തുക.
രോഗം വരുവാൻ കൂടുതൽ സാധ്യതയുള്ള ജനവിഭാഗങ്ങളെ കണ്ടെത്തുക.
രോഗത്തിൻറെ പ്രഭവസ്ഥാനം കണ്ടെത്തി നിർമ്മാർജ്ജനം ചെയ്യുക.

ചൈനയിൽ കണ്ടുപിടിച്ച പ്രതിരോധ കുത്തിവയ്പ്പ് ഫലപ്രദമാണെന്ന് തെളിഞ്ഞിട്ടുണ്ട്. ^[5]

ചികിത്സ

ആധുനിക വൈദ്യ ശാസത്രത്തിൽ ഹെപ്പറ്റൈറ്റിസ് ഇ ക്ക് പ്രത്യേക മരുന്നുകൾ ഇല്ല. രോഗലക്ഷണങ്ങൾക്കൊത്തു ചികിത്സിക്കുകയാണ് ചെയ്യുന്നത്.

അവലംബം

[1] ttps://www.who.int/mediacentre/factsheets/fs280/en/

[2] ttps://www.who.int/mediacentre/factsheets/fs280/en/

[3] ttps://emedicine.medscape.com/article/178140-workup#aw2aab6b5b3

[4] ttps://www.who.int/mediacentre/factsheets/fs280/en/

[5] ttps://www.nature.com/news/hepatitis-e-vaccine-debuts-1.11687

[1]

[2]

[3]

[4]

[5]