Nasjonaldag er ein dag som blir feira kvart år i eit land. Dagen er ei offisiell feiring av landet. I Noreg er det 17. mai som er nasjonaldag.
17. mai blir feira til minne om at Noreg fekk si eiga grunnlov. Andre land feirar for eksempel nasjonaldag til minne om at landet blei sjølvstendig.
Det er ikkje berre sjølvstendige statar som har nasjonaldag. For eksempel er den samiske nasjonaldagen 6. februar.
Det varierer korleis ulike land feirar nasjonaldag. Mange stader heiser ein flagg og syng nasjonalsongen.
