Sverre Fehn i 1998.
Sverre Fehn var ein av dei mest kjende norske arkitektane. Han utforma fleire kjende bygningar, mellom anna Norsk bremusem, Hedmarksmuseet, Kjell Aukrust-senteret, Villa Busk og Ivar Aasen-tunet.
Fehn starta med å skape bygg i modernistisk stil. Seinare utvikla han ein eigen stil. Den blei kalla «poetisk modernisme». I 1997 fekk han Pritzker-prisen, som er verdas gjævaste pris for arkitektur.
Fehn vaks opp ved Ulefoss i Telemark. Han studerte ved Statens arkitektkurs, der han var ferdig i 1949.
Sverre Fehn fekk ikkje reist mange store bygg, men det han skapte, var både modig og særprega. Han utforma òg viktige utkast til bygningar som aldri blei bygd. Difor er det ikkje lett å nemne eitt spesielt hovudverk.
I 1958 vann Fehn konkurransen om å bygge Noregs paviljongpå verdsutstillinga i arkitektur i Brüssel i Belgia. Same år starta han å utforme den nordiske paviljongen ved Biennalen i Venezia. Biennalen er ei stor, internasjonal utstilling av kunst som foregår anna kvart år. Paviljongen står der framleis. Slik blei Fehn tidleg lagt merke til ute i verda.
Frå 1971 til 1994 var Fehn professor ved Arkitekthøgskolen i Oslo.
Ivar Aasen-tunet ligg i Hovdebygda i Ørsta. Det opna i 2000 og fekk utmerkinga Betongtavlen same år.
Fehn var påverka av arkitektar som Le Corbusier, Louis Kahn og Carlo Scarpa, og av læraren sin, Arne Korsmo. Korsmo var viktig i stilretninga ein kallar modernismen.
Nokre arkitektar meinte at modernistisk arkitektur kunne gjere verda betre. Dei samla seg i ein internasjonal organisasjon, CIAM. Fehn var med å stifte den norske delen PAGON.
Fram til 1958 arbeidde Fehn i modernistisk stil. På 1960-talet utvikla han ein eigen stil som fekk tilnamnet «poetisk modernisme». Då meinte folk at stilen hans minte om lyrikk. Endringa var del av ei internasjonal endring der modernismen blei erstatta av «postmodernisme».
Bygga til Fehn såg typisk nordiske ut. Han henta idear frå korleis vanlege folk tidlegare brukte å byggje husa sine. Når Fehn skulle forme eit bygg, tenkte han nøye over staden der det skulle vere og historia bak. Ut ifrå dette valde han korleis det skulle sjå ut. Husa hans blei derfor ulike:
I nær seksti år påverka Fehn norsk arkitektur. Frå 1971 til 1994 var han professor ved Arkitekthøgskolen i Oslo. Han fekk mange viktige prisar, mellom anna Pritzker-prisen. Han blei æresmedlem av Norske Arkitekters Landsforbund.
