Aboncourt (Moselle)

Aboncourt
Land	Frankräich
Regioun	Grand Est
Departement	Moselle
Arrondissement	Thionville
Kanton	Metzervisse
Postcode	57920
Gemengecode	57001
Koordinaten	49° 15’ 41’’ N       06° 51’ 10’’ O
Fläch	590 ha
Bevëlkerung	346 (1999)

Aboncourt (däitsch: Endorf) ass eng franséisch Uertschaft a Gemeng am Departement Moselle an der Regioun Grand Est, am Dall vun der Canner.

D'Uertschaft ass un de Verkéier ugeschloss iwwer Departementsstroossen D55 an D118e.

Fréier war Aboncourt un d'Eisebunnsnetz ugeschloss iwwer d'Linn Bettelainville-Mertzig. D'Gare déi ëm 1900 gebaut gouf ass haut am Besëtz vun der Gemeng a steet op der Lëscht vum Inventaire général du patrimoine culturel. Een Deel vun der Streck gëtt haut als Touristenzuch vun der Association lorraine d'exploitation et de modelisme A.L.E.M.F iwwer de Chemin de Fer touristique de la Vallée de la Canner de Vigy a Hombourg-Budange exploitéiert.

Geschichtleches

• 1817 war Abancourt mat der Ferme de Neudelange, eent vun den Dierfer vun den Dräi Bistümer. Deemools hunn do 430 Leit a 74 Haiser gewunnt.

Beschreiwung vum Wopen am Originaltext:

D'argent à la croix cantonnée aux 1 et 4 d'un lion, et aux 2 et 3 d'un alérion, le tout de gueules.

Demographie

Joer	Awunner	Joer	Awunner
1954	338	1982	338
1962	327	1990	337
1968	287	1999	346
1975	240	2006	351

Quell: Cassini.ehess.fr

Kuckt och

• Departement Moselle
• Arrondissementer am Departement Moselle
• Kantonen am Departement Moselle
• Lëscht vun de Gemengen am Departement Moselle

Um Spaweck

• (fr) Plang vun Aboncourt op Mapquest
• (fr) Websäit vun der A.L.E.M.F.