Praga

Praga פראגא Hlavní město Praha Paiz Chekia Pozision 50°05′ N 14°25′E • Altura 399 m Superfisia 496 km² Povlasion 1.167.050 mor. (2005) • Densidad 2352,92 ab./km² Jentilisio pragense Alkalde Adriana Krnácová Pajina web http://www.cityofprague.cz

Praga (Praha en sheko) es la kapital i la mayor sivdad de la Chekia, ansina komo la kapital de la rejion de Boemia. Ubikada en las oriyas del rio Moldava, tiene aproksimadamente 1.2 milyones de abitantes. El area metropolitana de la sivdad tiene una povlasion de 1.4 milyones de abitantes. Alkunos apodos de Praga son "la sivdad de las syen kupolas", "la sivdad daurada", "Paris de los anyos 20 enlos anyos 90", "la madre de todas las sivdades" (Praha matka měst, en cheko) i "el korason de Evropa".

Istoria djudia en Praga

La sivdad de Praga tiene una istorya djudia muy grande i larga. El syeklo XVII se dize es la epoka de oro de la Praga Djudia. La komunita para ese tyempo tenia unos 15.000 abitantes, ke iva ser komo el 30% de la povlasion total de la sivdad, asiendo a la sivdad la komunita ashkenazi mas grande del; mundo i la sigunda komunita mas grande de Evropa dempues de Selanik. Entre los anyos 1597 i 1609, el Maharal (Djuda Loew ben Bezalel) iva ser el rabino shef de la sivdad. Se le konsidera el mas grande haham de la istoria de la sivdad, la su tumba en el betahayim se iva ser un sitio de peregirinasyon para munshos djudios de todo el mundo.

Esnoga de Yerushalayim, la mas grande de la sivdad. Iva ser fraguada enel anyo 1906 por Wilhelm Stiassny, de Bratislava

La ekspulsion de djudios de la sivdad por Maria Teresa de Austria enel anyo 1745, asigun por la kolavorasion djudia kon la armada de Prusia iva ser un golpe basho para la komunita. Enfin, la reyna iva permitir el retorno de los djudios a la sivdad enel anyo 1748. En 1848 las portas del ghetto ivan ser avyertas. La antika máale djudia, fue renombrada Josefov enel anyo 1850. Má iva ser destruyida durante la limpiesa del ghetto (asanace, en cheko) al fin del syéklo XIX.

Sivdades Ermanas

• Madrid
• Amburgo
• Frankfurt
• Chicago
• San Petersburgo
• Phoenix
• Mosku
• Berlin
• Kioto
• Paris
• Taipei
• Bruselas
• Limassol
• Rosh HaAyin

Atamientos eksternos

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.