Magnavox Odyssey²

Magnavox Odyssey²
მწარმოებელი	Magnavox, Philips
ტიპი	სახლის ვიდეო თამაშების კონსოლი
თაობა	მეორე თაობა
გამოშვების თარიღი	ევრ დეკემბერი, 1978 ჩრდ.ამ. თებერვალი, 1979 იაპ სექტემბერი, 1982 ბრაზ მაისი, 1983
საცალო გაყიდვაში	1978–1984
თავდაპირველი ფასი	179 აშშ დოლარი
შეწყდა	20 მარტი, 1984 (1984-03-20)
გაიყიდა	2 მილიონი
პროცესორი	Intel 8048
მეხსიერება	64 ბაიტი RAM, 1024 ბაიტი ROM
ამოღებადი საცავი	სათამაშო კარტრიჯი
კონტროლერის შეტანა	ჯოისტიკი
წინა	Magnavox Odyssey
შემდეგი	Philips Videopac+ G7400

Magnavox Odyssey², აგრეთვე ცნობილია როგორც Philips Odyssey² — მეორე თაობის სახლის ვიდეო თამაშების კონსოლი, გამოცემული 1978 წელს. ევროპაში კონსოლი გამოდიოდა Philips Videopac G7000-ის სახელწოდებით, ბრაზილიაში — Philips Odyssey და იაპონიაში — Odyssey2 (オデッセイ2 ოდესეი2). Odyssey² 1983 წლის ვიდეო თამაშების კრიზისამდე, Atari 2600-სა და Intellivision-თან ერთად ითვლებოდა ერთ-ერთ წამყვან ვიდეო თამაშების კონსოლად.

1970-იან წლებში კომპანია Magnavox მოწინავე იყო სახლის ვიდეო თამაშების ინდუსტრიაში, რომელმაც შეიმუშავა პირველი სახლის სათამაშო კონსოლი Odyssey, რომელსაც მოჰყვა კონსოლის რიგი ტექნიკურად გაუმჯობესებული ვერსიები. Odyssey²-ის თავდაპირველი ფასი შეადგენდა 1979 აშშ დოლარს. მისი წინამორბედისგან განსხვავებით და კონსოლების, Fairchild Channel F-სადა Atari 2600-ის მსგავსად გამოიყენებდა სათამაშო კარტრიჯს და თან მოჰყვებოდა ჯოისტიკი, რომელიც 1970-1980-იან წლებში იქცა სტანდარტად. მასში განთავსებული იყო Intel-ის 8048-ის ცენტრალური პროცესორი 1.79 მჰც ტაქტური სიხშირით და 64 ბაიტი ოპერატიული მეხსიერება.

კონსოლი იმ დროში გაყიდვებით წარმატებული აღმოჩნდა, საერთო ჯამში გაიყიდა 2 მილიონი ასლი. 2009 წელს ვიდეო თამაშების საიტ IGN-მა Odyssey²-ს, სიაში „25 საუკეთესო ვიდეო თამაშების კონსოლი“ 21-ე ადგილი მიუჩინა. Odyssey²-ის გამოცემა Philips-მა შეწყვიტა 1984 წელს, თუმცა მის წარმობის შეჩერებიდან ერთი წლით ადრე, 1983 წელს წარმოადგინა ახალი პროდუქტი Videopac + G7400.

რესურსები ინტერნეტში

• შეგიძლიათ იხილოთ მედიაფაილები თემაზე „Magnavox Odyssey²“ ვიკისაწყობში.
• The Odyssey2-ის მთავარი გვერდი!
• Odyssey 2-ის ტექნიკური გვერდი
• Odyssey²-ის ისტორია დაარქივებული 2017-07-02 საიტზე Wayback Machine.
• Magnavox Odyssey²-ის შიგნით დაარქივებული 2012-05-02 საიტზე Wayback Machine.
• Magnavox Odyssey ვიდეო თამაშების კონსოლების ბიბლიოთეკაში