ლენარტ იუჰანსონი
| ლენარტ იუჰანსონი | |
.jpg) | |
| უეფას მე-5 პრეზიდენტი | |
|---|---|
| თანამდებობაზე ყოფნის დრო | |
| 26 იანვარი, 1990 – 4 ივნისი, 2007 | |
| წინამორბედი | ჟაკ ჟორჟი |
| მემკვიდრე | მიშელ პლატინი |
| დაბადებული | 5 ნოემბერი, 1929 სტოკჰოლმი, შვედეთი |
| გარდაცვლილი | 4 ივნისი, 2019 (89 წლის) სტოკჰოლმი, შვედეთი |
| მოქალაქეობა | შვედეთი |
ნილს ლენარტ იუჰანსონი (შვედ. Nils Lennart Johansson; დ. 5 ნოემბერი, 1929 — გ. 4 ივნისი, 2019) — შვედი საფეხბურთო ფუნქციონერი, უეფას პრეზიდენტი 1990-2007 წლებში, რეკორდსმენი ამ თანამდებობაზე გატარებული პერიოდით. ფიფას ვიცე-პრეზიდენტი წლებში, 1998 წელს იყო ფიფას პრეზიდენტობის კანდიდატი, სადაც იგი ზეპ ბლატერთან დამარცხდა.
ლენარტ იუჰანსონის ინიციატივით ჩემპიონთა თასი გარდაიქმნა ჩემპიონთა ლიგად, რითაც ტურნირის დონე და პოპულარობა კიდევ უფრო გაიზარდა. 1967-1980 წლებში სკანდინავიელი სტოკჰოლმის აიკის პრეზიდენტიც იყო. იუჰანსონის სახელს ატარებს თასი, რომელიც ახალგაზრდული ჩემპიონთა ლიგის გამარჯვებულს გადაეცემა.
2005 წელს იუჰანსონს ილის კვორუმის სახელობის პრესტიჟული ოქროს მედალი გადასცეს, რომელსაც შვედურ კულტურაში, მეცნიერებასა და საზოგადოებრივ საქმიანობაში შეტანილი განსაკუთრებული წვლილისთვის ანიჭებენ.