ამაზონიტი
ამაზონიტი (სინონიმი ამაზონის ქვა) — მიკროკლინის მოცისფრო-მწვანე ნაირსახეობა. ზოგჯერ შეიცავს მანგანუმს Mn2+-ის სახით, რადიოგენური წარმოშობის ტყვიას, რუბიდიუმსა და ცეზიუმს. კრისტალდება ტრიკლინურ სინგონიაში. კრისტალები იშვიათია და მეტად ლამაზი. სიმაგრე მოოსის სკალით 6-6,5; სიმკვრივე 2550 კგ/მ³. გვხვდება ტუტე გრანიტებში, გრაიზენებსა და პეგმატიტურ ძარღვებში როგორც მინერალი. წარმოქმნის კრისტალებს, ხშირად მარცვლოვან მასას, ალბიტთან, კვარცთან და სხვა. იყენებენ როგორც იაფ სანაკეთო მასალას. ამაზონიტის საბადოები გვხვდება რუსეთში, ბრაზილიაში, მადაგასკარში, აშშ-ში და სხვა. ამაზონის ქვა ეწოდა მდინარე ამაზონის სახელწოდების მიხედვით, სადაც იგი პირველად იპოვეს.
| ამაზონიტი | |
|---|---|
 |
|
| საერთო | |
| ქიმიური ფორმულა | (K,Na)AlSi3O8 |
| იდენტიფიკაცია | |
| ფერი | მოცისფრო-მწვანე |
| სიმაგრე მოოსის სკალით | 6-6,5 |
| სიმკვრივე | 2550 კგ/მ³ კგ/მ³ |