Piramida Agung Giza

Pitu Kaajaiban Donya Kuna
	Piramida Agung Giza
	Taman Gantung Babilonia
	Patung Zeus ing Olympia
	Kuil Artemis
	Mausoleum Mausolus
	Colossus Rodos
	Mercusuar Iskandariyah

**Piramida Agung Giza**
	Piramida Agung Giza
Lokasi	Giza, Egypt
Status	Selesai dibangun
Dibangun	sakiwa-tengené 2560 SM
Dhuwur
Payon	138.8 m, 455.2 ft (Tinggi sebenarnya: 146.6 m, 480.9 ft)

Piramid Giza utawa Piramida Agung Giza iku piramida tuwa dhéwé lan gedhé dhéwé saka telu piramida sing ana ing Nekropolis Giza lan minangka siji-sijiné yasan sing isih dadi péranganing Pitu Kaajaiban Donya. Dipercaya yèn piramida iki dibangun minangka pesaréyan utawa makam kanggo firaun dinasti kapapt Mesir, Khufu (Χεωψ, Cheops) lan dibangun sajeroning punjul 20 taun lan dikira-kira watara taun 2560 SM.^[1]. Piramida iki kadhangkala sinebut Piramida Khufu.^[2]

Sajarah

Piramida Agung Giza iku pérangan utama saka komplèks yasan makam sing dumadi saka loro kuil kanggo ngurmati Khufu (siji cedhak karo piramida lan sijiné manèh ing cedhak Kal Nil), telu piramida sing luwih cilik kanggo garwané Khufu, lan siji piramida "satelit" sing luwih cilik manèh, wujud lintasan sing didhuwuraké, lan makam-makam mastaba ukuran cilik ing saubengé piramida para bangsawan. Salah siji saka piramida-piramida cilik iku nyimpen makan ratu Hetepheres (tinemu taun 1925), adik, lan garwa Sneferu sarta ibu saka Khufu. Iga tinemu sawijining kutha, kalebu siji pemakaman, toko-toko roti, pabrik bir, lan siji komplèks paleburan tembaga. Luwih akèh manèh yasan lan komplèks tinemu déning Proyèk Pamétaan Giza.

Sawetara atus mèter ing kidul-kulon Piramida Agung ana sawijining piramida sing luwih cilik, Piramida Khafre, salah siji panerus Khufu sing uga dianggep pembangun Sphinx Agung, lan sawatara mèter luwih adoh mangidul-kulon ana Piramida Menkaure, panerus Khafre, sing dhuwuré watara separoné.

Weaktu ngrampungaké piramida iki disepakati watara taun 2560 BC.^[3]

Wazir Khufu, Hemon, utawa Hemiunu, dipercaya minangka arsitèk saka Piramida Agung.^[4]

Réferènsi

↑ Ashmawy, Alaa (January 21, 2004). "The Great Pyramid of Giza". The Seven Wonders. Diarsip saka sing asli ing 2007-08-24. Dibukak ing 2007-04-13.
↑ The Oxford Encyclopedia of Ancient Egypt. Oxford University Press, New York, 2001. Edited by Dana M Collins. Volume 2, Page 234.
↑ [" http://www.pbs.org/wgbh/nova/pyramid/explore/khufustory.html"]
↑ Kimmelman, Michael (1999-09-17). "Egyptian Art: The Mysterious Lure of an Old Friend". The New York Times. Dibukak ing 2006-07-13.

Pranala njaba

The Giza Mapping Project

Koordinat: 29°58′44.68″N 31°08′02.58″E / 29.9790778°N 31.1340500°E / 29.9790778; 31.1340500

Artikel bab sajarah iki minangka artikel rintisan. Kowé bisa ngéwangi Wikipédia ngembangaké.

[wonder-1] Ashmawy, Alaa (January 21, 2004). "The Great Pyramid of Giza". The Seven Wonders. Diarsip saka sing asli ing 2007-08-24. Dibukak ing 2007-04-13.

[oxford1-2] The Oxford Encyclopedia of Ancient Egypt. Oxford University Press, New York, 2001. Edited by Dana M Collins. Volume 2, Page 234.

[3] [" http://www.pbs.org/wgbh/nova/pyramid/explore/khufustory.html"]

[4] Kimmelman, Michael (1999-09-17). "Egyptian Art: The Mysterious Lure of an Old Friend". The New York Times. Dibukak ing 2006-07-13.

[1]

[2]

[3]

[4]