Imposto

Edifico dil Kontoro pri Interna Revenui (Angle: Internal Revenue Service) Usana.

Civitani en Washington DC demandanta ke financala sektoro pagez plusa imposti, samatempe kam povri pagez min imposti.

Imposto esas pekuniala obligeso establisita per publika legaro, segun quo individui, entraprezi od altra privata enti mustas pagar a la Stato (o lua equivalanto), qua uzos la resursi por pagar lua spensi, ofrar publika servadi (exemple: mantenar polico, mantenar publika skoli e hospitali, edc.), facar publika koloki (exemple: konstruktar hospitali, sistemi por netigar e distributar aquo, chosei, edc.), sen direta kompenso al individuo od al entraprezo qua pagas ol.

En la maxim multa legifantari, imposti kreesas pro ke la Stato havas povo por krear li. La precipua skopo di imposti esas furnisar pekunio por publika spensi. Tamen, en kelka kazi imposti kreesas kun skopo senkurajigar la konsumo di kelka produkturi, exemple tabako od alkoholala drinkaji.

La fundamenti legala por kalkulo di imposti povas esar: la valoro di ula proprietajo (imposto sur proprietaji urbala, rurala, o imposto sur vehili), la revenuo di ul individuo o la profito di ula kompanio (imposto sur revenui, imposto sur profito), imposto sur la valoro di ula vendo, imposto sur financal operaci, imposto sur fueli, edc. Ordinare, civitani de la maxim multa landi judikas ke la sistemo di imposti de lia landi ne esas justa, e kelkafoye demandas sive diminutado di imposti, sive augmento di imposti por la plu richa o por la financala sektoro.