Էդվարդ Գ. Ռոբինսոն

Էդվարդ Գ. Ռոբինսոն; անգլ.՝ Edward G. Robinson
Ծնվել է	դեկտեմբերի 12, 1893[…]
Ծննդավայր	Բուխարեստ, Ռումինիա
Մահացել է	հունվարի 26, 1973[…] (79 տարեկան)
Մահվան վայր	Հոլիվուդ, Լոս Անջելես, Կալիֆոռնիա, ԱՄՆ
Գերեզման	Beth El Cemetery
Կրթություն	Նյու Յորք քաղաքի քոլեջ, Թատերական արվեստների ամերիկյան ակադեմիա (1913) և Թաունսենդ Հարիսի ավագ դպրոց
Քաղաքացիություն	Ռումինիայի թագավորություն և ԱՄՆ
Մասնագիտություն	կինոդերասան, արվեստի կոլեկցիոներ, բնավորության դերասան, թատրոնի դերասան և հեռուստատեսային դերասան
Աշխատավայր	Warner Bros.
Ժանրեր	վեստեռն, գանգստերային ֆիլմ և քրեական ֆիլմ
Ամուսին(ներ)	Gladys Lloyd Robinson?
Պարգևներ և մրցանակներ	ԱՄՆ կինոդերասանների գիլդիայի մրցանակ կինեմատոգրաֆում ներդրման համար Հոլիվուդյան փառքի ծառուղու աստղ և Օսկար մրցանակ կինոարվեստում բացառիկ նվաճումների համար

Էդվարդ Գոլդբերգ Ռոբինսոն (անգլ.՝ Edward G. Robinson, իսկական անուն ազգանունը՝ Էմանուել Գոլդենբերգ (անգլ.՝ Emanuel Goldenberg); դեկտեմբերի 12, 1893(1893-12-12)^[1]^[2]^[3]^[…], Բուխարեստ, Ռումինիա^[4] - հունվարի 26, 1973(1973-01-26)^[1]^[2]^[3]^[…], Հոլիվուդ, Լոս Անջելես, Կալիֆոռնիա, ԱՄՆ), ամերիկացի դերասան, ամերիկյան կինոակադեմիայի կողմից ընդգրկվել է Ամերիկյան բոլոր ժամանակների ֆիլմերի 100 մեծագույն աստղերի ցանկում 24-րդ տեղում։

Կենսագրություն և կարիերա

Էդվարդ Գ. Ռոբինսոնը ծնվել է 1893 թվականին Ռումինիայի մայրաքաղաք Բուխարեստում հրեական ընտանիքում։ 1903 թվականին նրանց ընտանիքը տեղափոխվել է Նյու Յորք։ Սովորել է Նյու Յորքի միջնակարգ դպրոցներից մեկում, շարունակել ուսումը Քաղաքային քոլեջում, այնուհետև ընդունվել է դրամատիկ արվեստի Ամերիկյան երկամյա դպրոցը, որտեղ փոխել է անուն ազգանունը։

Դերասանական կարիերան սկսել է 1913 թվականից, 1915 թվականին նորամուտ է ունեցել Բրոդվեյ։ Առաջին մեծ ճանաչումը նրան բերեց «Փոքրիկ Կեսարը» (1931) ֆիլմում գանգստեր Ռիկո Բանդելլոի դերը, դրանից հետո էլ նա խաղացել է մեծամասամբ քրեական դրամաներում և նուար ժանրի ֆիլմերում։ Առավել նշանավոր ֆիլմերից են «Խելացի փողեր», «Գողացված զարդեր» (1931), «Կիդ Գալահադ» (1937), «Կրկնակի ապահովագրություն», «Կինը պատուհանում» (երկուսն էլ 1944), «Մեղքի փողոցը» (1945), «Օտարականը» (1946), «Կի-Լարգո» (1948), «Անծանոթների տունը» (1949), «Տասը պատվիրանները» (1956), «Ծակ գլխի մեջ» (1959), «Իմ Գեյշա» (1962), «Շայենների ամառը» (1964), «Ցինցինատի կիդ» (1965)։ Ընդհանուր թվով խաղացել է մոտ 100 ֆիլմում

1950—1952 թթ. կանչվել է ցուցմունք տալու հակաամերիկյան գործերով հետաքննության բյուրոյում։ Չնայած կոմունիսատական հայացնքերի մեջ մեղադրանքներին Սեսիլ Բլաունտ դե Միլլը նրան հրավիրում է «Տասը պատվիրաններ» նշանավոր էպիկական ֆիլմի նկարահումներին։

Էդվարդ Գ. Ռոբինսոնը ունեցել է արվեստի գործերի տեսականի, որը սակայն կնոջ Գլեդիսից ամուսնալուծվելու ժամանակ վաճառել է։ Կյանքի վերջին տարիներին կինոստուդիան ցանկանում էր նրան հրավիրել մասնակցելու «Կնքահայրը» ֆիլմի նկարահանումներին, սակայն Ֆրենսիս Ֆորդ Կոպպոլան այդ դերում հաստատում է Մառլոն Բրանդոյի մասնակցությունը։

Վերջին դերերից մեկը կինոյում «Մակենայի ոսկին» նշանավոր վեստեռնն էր, որտեղ նա խաղացել է ծերունի Ադամսի դերը։

Կարիերիայի ընթացքում չի ներկայացվել Օսկար կինոմրցանակի, սակայն ստացել է այդ մրցանակը կինոյում ունեցած բացառիկ նվաճումների համար, ստացել է Կաննի կինոփառատոնի մրցանակ որպես լավագույն դերասան «Անծանոթների տունը» ֆիլմի համար։