Manama

Manama

Localización
26°13′30″N 50°34′39″L
Estado	Bahrain
Lista (pt)	Gobernación da capital, Bahrain
Capital de	Bahrain
Poboación
Poboación	297.502 (2012) (9.916,73 hab./km²)
Xeografía
Superficie	30 km²
Bañado por	Golfo Pérsico
Creación	1345 (Gregoriano)
Outro
Irmandado con	Karachi Cidade de Kuwait Ancara San Petersburgo Chiang Mai (pt) Doha Trípoli (1977–) Tunes (1999–) Chicago (2004–)
Candidato a Patrimonio da Humanidade
Data	20 de xullo de 2018
Identificador	6354
Sitio web	capital.gov.bh

Manama (árabe: المنامة al-Manāma) é a capital e cidade máis grande de Bahrain, cunha poboación aproximada de 157.000 habitantes, case un terzo da total de Bahrain. Durante moito tempo un importante centro comercial no Golfo Pérsico, Manama alberga unha poboación moi diversa. Despois de períodos de dominio portugués e persa e invasións das dinastías gobernantes de Arabia Saudita e Omán, Bahrain estableceuse como nación independente durante o período do século XIX de hexemonía británica.

Aínda que as actuais cidades xemelgas de Manama e Al-Muharraq parecen ser fundadas simultaneamente na década de 1800, Muharraq tomou protagonismo debido á súa posición defensiva e foi así a capital de Bahrain ata 1921. Manama converteuse na capital mercantil e foi a porta de entrada principal da illa de Bahrain. No século XX, a riqueza en petróleo de Bahrain axudou a impulsar un rápido crecemento e na década dos noventa un esforzo concertado de diversificación levou á expansión noutras industrias e axudou a transformar Manama nun importante centro financeiro en Oriente Medio. Manama designouse como a capital da cultura árabe en 2012 pola liga árabe e unha cidade global beta pola rede de Globalización e cidades mundiais de investigación en 2018.

Manama é aínda unha das doce provincias de Bahrain e actualmente forma parte da gobernadoría principal.

Historia

Vista de Manama, ao fondo, coa illa de Al-Muharraq en primeiro plano

O norte da illa principal de Bahrain, que está dominada por Manama, leva aproximadamente 5.000 anos a actividade humana, como indican os restos dos arredores do Forte de Bahrain.

A civilización Dilmun construíu a súa capital nesta zona e enterrou aos seus mortos máis ao sur nas tumbas de A'ali. Os insulares sufriron unha serie de invasións que chegaron por mar, comezaron os asirios, na época antes de Cristo e remataron cos árabes. Estas civilizacións estiveron moitos séculos na illa e o nome desta cambiou segundo chegaban os novos invasores.

Dende o principio Manama foi clave no desenvolvemento comercial da illa. Manama e os seus habitantes, descubriron por primeira vez o islam durante o século VII e no século IX comezaron a inclinarse cara a el pero cunha posición conservadora case socialista o que causou unha fricción considerable co contorno continental musulmán.

Manama aparece citada nas crónicas islámicas desde 1345. Foi conquistada polos portugueses en 1521 e posteriormente polos persas en 1602. Durante o período colonial construíuse o Forte Bahrain. Foi dominada, salvo breves interrucións, pola dinastía reinante, Al Khalifah, desde 1783.

Antes da segunda guerra mundial, máis concretamente en 1931, descubriuse petróleo na illa a uns 30 quilómetros ao sur de Manama polo que comezou a florecer rapidamente. Despois da segunda guerra mundial, Bahrain avanzou lentamente cara á independencia e, finalmente, en 1971 retiráronse os británicos deixando a Manama aos seus propios asuntos. Este foi o comezo dun período no que a cidade creceu e floreceu, principalmente grazas a unha considerable riqueza acumulada grazas á produción de petróleo e á súa transformación.

Manama foi declarada porto franco en 1958, e desde 1971 tornouse a capital do estado independente de Bahrain.

Xeografía

Manama está situada sobre o Golfo Pérsico, na parte nordeste da illa de Bahrain. Non lonxe da capital atópase a cidade de Sitrah ao sueste, e a de Jidd Haffs ao oeste.

Porto de Manama, circa 1870.

Unha vista panorámica do horizonte de Manama de esquerda a dereita: 1. As torres xemelgas da Bahrain WTC.
2. As torres xemelgas da Bahrain Financial Harbor (BFH).
3. A torre NBB (edificio baixo xunto ao BFH).
4. A Torre Almoayyed (a máis alta da foto, centro da imaxe).
5. O prexecto residencial Abraj Al Lulu (tres torres) en construción no extremo dereito).

Clima

Como o resto do país, Manama sofre condicións climáticas extremas, con temperaturas estivais que poden superar os 48 °C, e invernais de arredor de 15 °C, período no que mesmo xea, máis en ocasións raras. As temperaturas medias de inverno son 17 °C, e vo verán de 45 °C. A época máis agradable corresponde ao outono, cando o sol está máis baixo, e suaves brisas temperan as temperaturas.

Datos climáticos para Manama (Bahrain International Airport) 1961–1990, extremas 1902–presente
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Anual
Temperatura máxima en °C	29,7	34,7	38,1	41,3	46,7	47,3	47,5	45,6	45,5	42,8	37,2	30,6	47,5
Media máxima en °C	20,0	21,2	24,7	29,2	34,1	36,4	37,9	38,0	36,5	33,1	27,8	22,3	30,1
Media diaria en °C	17,2	18,0	21,2	25,3	30,0	32,6	34,1	34,2	32,5	29,3	24,5	19,3	26,5
Media mínima en °C	14,1	14,9	17,8	21,5	26,0	28,8	30,4	30,5	28,6	25,5	21,2	16,2	23,0
Temperatura mínima en °C	2,7	7,9	10,9	10,8	18,7	18,4	25,3	21,8	18,9	18,8	11,7	6,4	2,7
Precipitación media mm	14,6	16,0	13,9	10,0	1,1	0	0	0	0	0,5	3,8	10,9	70,8
Media de días con precipitacións (≥ 1.0 mm)	2,0	1,9	1,9	1,4	0,2	0	0	0	0	0,1	0,7	1,7	9,9
Media de horas de sol mensuais	226,3	221,2	238,7	255,0	306,9	339,0	331,7	331,7	312,0	303,8	261,0	226,3	3 353,6
Fonte #1: NOAA, Meteo Climat (récord máximos e mínimos)
Fonte #2: Ministry of Transportation (Bahrain)

Economía

A economía de Manama é a mesma do resto de Bahrain - petróleo, refinado de petróleo, fabricación de dhows -os veleiros típicos dos mares índicos -, pesca e máis produción de perlas. Na illa Al-Muharraq está localizado o Aeroporto Internacional de Bahrain, que serve a Manama. Manama é tamén a sede da Universidade de Bahrain, fundada en 1986.

Sitios de interese

Na periferia de Manama está situado o Circuíto Internacional de Bahrain, circuíto automobilístico no cal, desde 2004, se desenvolve o Gran Premio de Bahrain de Fórmula 1.

Véxase tamén

Ligazóns externas

• Páxina Oficial de Manama (en árabe)