John Hughes

John Hughes

Biografía
Nacemento	18 de febreiro de 1950 Lansing, Estados Unidos de América
Morte	6 de agosto de 2009 (59 anos) Nova York, Estados Unidos de América
Causa da morte	infarto agudo de miocardio
Lugar de sepultura	Lake Forest Cemetery (en) 42°16′03″N 87°49′51″O Illinois
Residencia	Lake Forest (pt)
Educación	Universidade de Arizona Universidade do Estado do Arizona (pt) Glenbrook North High School (en)
Actividade
Campo de traballo	Guión cinematográfico, dirección de cine, Produción de cinema e actuación cinematográfica
Ocupación	guionista, escritor, guionista de cinema, director de cinema, produtor de cinema, actor de cinema
Período de actividade	1970 - 2009
Membro de	Writers Guild of America, West

John Wilden Hughes, Jr., nado en Lansing (Míchigan) o 18 de febreiro de 1950 e finado en Nova York o 6 de agosto de 2009, foi un director, produtor e guionista cinematográfico estadounidense. Dirixiu, escribiu e produciu varios dos filmes de máis éxito das décadas de 1980 e 1990.

Traxectoria

Hughes naceu en Lansing, Míchigan, dunha nai que se dedicaba á caridade como voluntaria e de John Hughes, Sr., que traballaba en vendas. Pasou os primeiros anos da súa vida en Grosse Pointe, Míchigan. Hughes describiuse a si mesmo como un neno «bastante tranquilo».

En 1963, a familia de Hughes mudouse a Northbrook, Illinois, suburbio de Chicago. Alí, o seu pai atopou traballo vendendo materiais para tellados. Hughes estudou en Grove Middle School, e posteriormente en Glenbrook North High School, que lle serviu de inspiración para os filmes que lle deron son. Coñeceu a Nancy Ludwig, animadora e a súa futura esposa, no instituto. De adolescente, Hughes tiña o cinema como medio de escape.

Hughes traballou en Virginia Slims, o que facía que viaxase frecuentemente á sede de Philip Morris. Iso permitíalle visitar as oficinas da revista National Lampoon. Pouco despois, converteuse en colaborador habitual.

O seu primeiro guión acreditado, National Lampoon's Class Reunion, escribiuno mentres aínda traballaba na revista. O filme foi o segundo intento desastroso de duplicar o éxito de National Lampoon's Animal House. Porén, o seguinte guión de Hughes, National Lampoon's Vacation, foi un grande éxito en 1983. Iso, xunto con outro guión de éxito do mesmo ano, Mr. Mom, valeulle para lograr un contrato de tres filmes con Universal Pictures. O seu debut no cinema, Sixteen Candles, foi un éxito de crítica en 1984.

Hughes foi coñecido como o "rei dos filmes de adolescentes", así como por axudar a lanzar as carreiras de actores como Michael Keaton, Molly Ringwald, Anthony Michael Hall, Bill Paxton, Matthew Broderick, Macaulay Culkin e John Candy. Moitos deles formaron parte do chamado Brat Pack.

O 5 de agosto de 2009, Hughes e a súa esposa viaxaron a Nova York para visitar o seu fillo James e o seu novo neto. James dixo que o seu pai aparentaba ter boa saúde esa noite e que a familia fixera plans para o día seguinte. Na mañá do día 6, Hughes estaba a pasear preto do seu hotel en West 55th Street en Manhattan cando sufriu un ataque cardíaco. Foi levado ao Roosevelt Hospital, onde se certificou a súa morte aos 59 anos. O funeral de Hughes tivo lugar o 11 de agosto en Chicago; foi enterrado en Lake Forest Cemetery.

Filmografía

Ano	Título	Director	Produtor (Executivo)	Guionista	Outros	Notas
1982	National Lampoon's Class Reunion		Si	Si	Si	Actor: 'Rapaza' cunha bolsa de papel na cabeza (sen acreditar)
1983	Mr. Mom			Si
	National Lampoon's Vacation			Si	Si	Tamén letrista por "Walley World National Anthem"
	Nate and Hayes			Si
1984	Sixteen Candles	Si		Si
1985	The Breakfast Club	Si	Si	Si	Si	Actor: Pai de Brian (sen acreditar)
	European Vacation			Si
	Weird Science	Si		Si
1986	Pretty in Pink		Si	Si
	Ferris Bueller's Day Off	Si	Si	Si	Si	Actor: Home correndo entre taxis (sen acreditar)
1987	Some Kind of Wonderful		Si	Si
	Planes, Trains and Automobiles	Si	Si	Si	Si	Tamén letrista por "I Can Take Anything"
1988	She's Having a Baby	Si	Si	Si
	The Great Outdoors		Si	Si
1989	Uncle Buck	Si	Si	Si
	Christmas Vacation		Si	Si
1990	Home Alone		Si	Si
1991	Career Opportunities		Si	Si
	Only the Lonely		Si
	Dutch			Si
	A pequena pillabana	Si	Si	Si
1992	Beethoven			Si
	Home Alone 2: Lost in New York		Si	Si
1993	Dennis the Menace		Si	Si
	Beethoven's 2nd				Si	Baseado en personaxes creados por Edmond Dantés
1994	Baby's Day Out		Si	Si
	Miracle on 34th Street		Si	Si
1995	Mallrats				Si	Agradecemento
1996	101 Dalmatians		Si	Si
1997	Flubber		Si	Si
	Home Alone 3		Si	Si
1998	Reach the Rock		Si	Si
2000	Beethoven's 3rd				Si	Baseado en personaxes creados por Edmond Dantés
2001	Just Visiting			Si
	New Port South		Si
2002	Maid in Manhattan			Si
	Home Alone 4: Taking Back the House				Si	Based on characters created by Hughes
2008	Drillbit Taylor			Si

Véxase tamén

Bibliografía

• Roberts, Soraya. "A Diamond and a Kiss: The Women of John Hughes". Hazlift. 

Ligazóns externas

• John Hughes collected coverage from The Guardian
• Times Topic: John Hughes collected coverage from The New York Times
• Guest Book for John Hughes from Legacy.com
• Part 1 Arquivado 21 de abril de 2017 en Wayback Machine. Part 2 Arquivado 28 de xuño de 2011 en Wayback Machine. 1985 interview podcast from the American Film Institute
• Vanity Fair Interview