Édith Cresson

Édith Cresson

Biografía
Nacemento	(fr) Édith Campion 27 de xaneiro de 1934 (90 anos) Boulogne-Billancourt, Francia
Comissário Europeu da Investigação, Ciência e Inovação (pt)
23 de xaneiro de 1995 – 12 de setembro de 1999 ← Antonio Ruberti – Philippe Busquin →
Primeira ministra de Francia
15 de maio de 1991 – 2 de abril de 1992 ← Michel Rocard – Pierre Bérégovoy →
Deputada da Asemblea Nacional
23 de xuño de 1988 – 29 de xuño de 1988 Lexislatura: 9th legislature of the Fifth French Republic (en) Circunscrición electoral: Vienne's 4th constituency (en)
Deputada da Asemblea Nacional
2 de abril de 1986 – 14 de maio de 1988 Lexislatura: 8th legislature of the Fifth French Republic (en) Circunscrición electoral: Q23891094
Mayor of Châtellerault (en)
16 de marzo de 1983 – 27 de marzo de 1997
Deputada da Asemblea Nacional
2 de xullo de 1981 – 23 de xullo de 1981 ← Pierre Abelin (pt) – Marc Verdon (pt)  → Lexislatura: 7th legislature of the Fifth French Republic (en) Circunscrición electoral: Vienne's 2nd constituency (en)
Ministro da Agricultura (pt)
23 de xuño de 1981 – 22 de marzo de 1983 ← Édith Cresson – Michel Rocard → Gabinete ministerial: Pierre Mauroy II cabinet (en)
Ministro da Agricultura (pt)
22 de maio de 1981 – 22 de xuño de 1981 ← Pierre Méhaignerie – Édith Cresson → Gabinete ministerial: Mauroy cabinet (en)
Eurodeputada
Representa: Partido Socialista 17 de xullo de 1979 – 16 de xuño de 1981 Lexislatura: I lexislatura do Parlamento Europeo Circunscrición electoral: France (en) Electa en: eleccións ao Parlamento Europeo de 1979
Conselleira xeral
Datos persoais
Educación	Haut Enseignement Commercial pour les jeunes filles (en)
Actividade
Lugar de traballo	Estrasburgo Bruxelas
Ocupación	política, diplomática, economista
Partido político	Partido Socialista
Membro de	HEC Alumni (pt)
Familia
Cónxuxe	Jacques Cresson
Premios
(12 de xullo de 2013)  Oficial da Lexión de Honra  Gran Cruz da Orde Nacional do Mérito

Édith Cresson, nada en Boulogne-Billancourt o 27 de xaneiro de 1934, é unha política francesa, primeira ministra entre 1991 e 1992, a primeira muller da historia francesa en ocupar ese cargo, así como comisaria europea de Investigación, Ciencia e Tecnoloxía durante as Comisións Santer e Marín.

Traxectoria

Cresson naceu en 1934 na cidade de Boulogne-Billancourt, na Illa de Francia, dentro dunha familia burguesa. Estudou demografía na Sorbona de París.

Politicamente próxima ao socialista François Mitterrand, en 1974 ocupou o secretariado do partido para asuntos da mocidade e en 1975 pasou a ser membro do comité director do Partido Socialista (PS), cargo que ocupou ata 1990.

Política francesa

En 1977 foi elixida alcaldesa de Thuré, poboación do departamento de Vienne, posto que mantivo ata 1983. Nomeada Conselleira Xeral do departamento entre 1982 e 1998, en 1983 foi elixida alcaldesa de Châtellerault, cargo que exerceu ata 1997.

No goberno do primeiro ministro Pierre Mauroy foi nomeada ministra de agricultura entre maio de 1981 e marzo de 1983. A partir de entón, no terceiro goberno de Mauroy foi nomeada ministra de comercio exterior e turismo, ata xullo de 1983. Coa formación dun novo goberno, encabezado por Laurent Fabius pasou a ocupar o cargo de ministra de industria ata marzo de 1986.

O primeiro ministro Michel Rocard nomeouna en xuño de 1988 ministra de asuntos europeos ata outubro de 1990. Despois da caída do goberno de Rocard, o presidente Mitterand nomeouna primeira ministra de Francia en maio de 1991. En xuño do mesmo ano presentou un plan para frear a inmigración clandestina en Francia, e baixo a presión constante do fenómeno do ultradereitista Jean-Marie Le Pen, quixo unir os esforzos de todos os socialistas franceses. Finalmente foi relevada do seu cargo por Mitterrand en abril de 1992 trala derrota socialista nas eleccións rexionais de marzo de 1992. O seu goberno foi un dos máis breves da Quinta República. As súas fortes críticas das prácticas comerciais xaponesas foron tan lonxe ata comparar os xaponeses con "formigas amarelas intentando apoderarse do mundo", que provocaron acusacións de racismo. Tamén dixo, falando das actividades sexuais dos homes anglosaxóns que "a homosexualidade paréceme estraña. É diferente e marxinal. Existe máis na tradición anglosaxoa que na latina".

Política europea

En 1979 foi elixida eurodeputada ao Parlamento Europeo nas eleccións europeas, mantendo o seu escano ata 1981, cando entrou no goberno francés como ministra.

En xaneiro de 1985 foi nomeada comisaria de investigación, ciencia e tecnoloxía na comisión Santer. Ocupou o cargo ata setembro de 1999, despois da dimisión colectiva da comisión como consecuencia dunha investigación que denunciaba casos de mala xestión e nepotismo, dos que foi especialmente acusada e polos que lle foi retirada a inmunidade parlamentaria. Por esa imputación foi xulgada polo Tribunal de Xustiza das Comunidades Europeas en 2006, que a sentenciou a unha condena simbólica.

Véxase tamén

Bibliografía

• Northcutt, Wayne, ed. "Cresson, Edith" en Historical Dictionary of the French Fourth and Fifth Republics, 1946–1991 (Greenwood, 1992) pp 114–16
• Perry, Sheila. "Gender Difference in French PoliticalCommunication: From Handicap to Asset?." Modern & Contemporary France 13.3 (2005): 337-352
• Schemla, Élisabeth. Édith Cresson, la femme piégée, Paris: Flammarion, 1993, ISBN 978-2080668400
• Skard, Torild, "Edith Cresson" en Women of Power – Half a century of female presidents and prime ministers worldwide, Bristol: Policy Press, 2014, ISBN 978-1-44731-578-0

Ligazóns externas

• Curriculum Vitae como comisaria
• Édith Cresson no Parlamento Europeo
• Édith Cresson en elpais.com (en castelán)