Vancouver Canucks

Vancouver Canucks
Fundación	1945 (PCHL); 1970 (como equipo de expansión da NHL)
Cidade	Vancouver,; Columbia Británica; Canadá
Estadio	Rogers Arena; (18.910 espectadores)
Liga	National Hockey League
Conferencia	Oeste
División	Pacific
Campionatos	0
Propietario(s)	Canucks Sports & Entertainment; (Francesco Aquilini, presidente)
Director	Jim Benning
Afiliado(s)	Manitoba Moose (AHL); Victoria Salmon Kings (ECHL)
Cores	Azul, verde, prata, branco;
Na rede
	https://www.nhl.com/canucks/

O Vancouver Canucks é un equipo de hóckey sobre xeo da cidade de Vancouver, o Canadá, que actualmente compite na NHL. Foi fundado en 1945 e competiu inicialmente na Pacific Coast Hockey League, ata que na tempada 1970-71 debutou na NHL, logo de ser aceptado pola competición xunto cos Buffalo Sabres.

O seu alcume Canuck é un termo coloquial para referirse a calquera persoa natural do Canadá.

Pavillóns

Os Canucks xogan os seus partidos como locais no Rogers Arena, un pavillón inaugurado en 1995 baixo o nome de General Motors Place, e con capacidade para máis de 18.890 espectadores para os partidos dos Canucks. O Rogers Arena foi tamén a sede da competición de hóckey sobre xeo nos Xogos Olímpicos de Inverno de 2010. O pavillón é propiedade e é operado por Canucks Sports & Entertainment. Antes de trasladarse ao Rogers Arena, o equipo xogaba os seus partidos como local no Pacific Coliseum, en Hastings Park, durante 25 anos. O Pacific Coliseum ten actualmente capacidade para 16.281 para partidos de hóckey sobre xeo, mentres que a súa capacidade cando foi inaugurado era de 15.713 espectadores. Durante os Xogos Olímpicos de Inverno de 2010 foi sede da competición de patinaxe artístico e patinaxe de velocidade sobre pista curta. Actualmente o Pacific Coliseum é a casa dos Vancouver Giants, equipo de hóckey sobre xeo que compite na Western Hockey League.

Despois do traslado do equipo ao Rogers Arena, a media desespectadores aumentou notablemente, dos 13.932 espectadores de 1995 no Pacific Coliseum pasouse a unha media de 17.795 no novo pavillón ao ano seguinte. Os anos seguintes ao traslado a media de espectadores foi diminuíndo ata os 14.642 espectadores do ano 2000 (asistencia mínima no Rogers Arena). Dende o cambio de milenio a audiencia media aos partidos dos Canucks non deixou de medrar, sendo a máis alta da NHL na 2010-11 con 18.860 espectadores. na tempada 2012-13 rexistrouse a mellor entrada nunha tempada do equipo con 18.947 espectadores.^[1]

O Pacific Coliseum, fogar dos Canucks entre 1970 e 1995.
O Rogers Arena, fogar actual dos Canucks.

Ano	1996	1997	1998	1999	2000	2001	2002	2003	2004	2005	2006	2007	2008	2009	2010	2011	2012	2013
Asistencia media	17.795	17.320	16.986	15.803	14.642	17.017	17.713	18.396	18.631		18.630	18.630	18.630	18.630	18.810	18.860	18.884	18.947

Maior media de espectadores esa tempada na NHL.

Xogadores

Números retirados

Vancouver Canucks Retired numbers
Nº	Xogador	Posición	Carreira	Data da retirada
10 ¹	Pavel Bure	RW	1991–99	2 de novembro de 2013 ^[2]
12	Stan Smyl	RW	1978–91	3 de novembro de 1991
16	Trevor Linden	RW	1988–98, 2001–08	17 de decembro de 2008
19	Markus Naslund	LW	1996–2008	11 de decembro de 2010
99 ²	Wayne Gretzky	C	-	6 de febreiro de 2000^[3]

Notes:

¹ Bure levou o número 10 en cinco das súas sete tempadas en Vancouver. Vestiu tamén o número 96 durante a tempada 1995–96 e 1996–97 antes de vestir outra vez o número 10 na tempada 1997–98.
² Gretzky nunca xogou para a franquía. O seu dorsal 99 foi retirado de todos os equipos da Liga pola NHL.

Números fóra de circulación

Aínda que non están oficialmente retirados, os seguintes números non son empregados polos Canucks:

11 - Wayne Maki, LW, 1970–1973, fóra de circulación dende a súa morte a causa dun tumor cerebral o 1 de maio de 1974. Mark Messier (C, 1997–2000) é o único xogador dos Canucks que levou este número dende aquela.
28 - Luc Bourdon, D, 2006–2008, fóra de circulación dende a súa morte nun accidente de moto o 29 de maio de 2008. Levou o número 4 na tempada 2006-07.
37 - Rick Rypien, C, 2005-2010, fóra de circulación dende o seu suicidio o 15 de agosto de 2011. Levou o número 15 na tempada 2005-07.

Hall of Fame

Personalidades dos Vancouver Canucks no *Hall of Fame*
Nome	Posición	Carreira	Introducido
Xogadores
Igor Larionov	C	1989–1992	2008
Mark Messier	C	1997–2000	2007
Cam Neely	RW	1983–1986	2005
Pavel Bure	RW	1991–1998	2012
Mats Sundin	C	2008–09	2012
Directivos
Name	Position	Career	Inducted
Frank Griffiths	Propietario	1974–1994	1993
Jake Milford	Director Xeral	1977–1982	1984
Roger Neilson	Asistente, Adestrador	1981–1984	2002
Bud Poile	Director Xeral	1970–1973	1990