Grande Ariana
| Ammõt | laulik , laulukirotaja, näütleja |
| Vannus | 27 |
| Žanŕ | pop-muusiga, R&B, tandsomuusiga |
Grande Ariana (snd. Grande-Butera Ariana) om 23. piimäkuul 1993. aastakul sündünüq Ameeriga Ütisriike laulja, laulukirotaja ja näütelejä. Ta om peri Floridast ärinaasõ perrest.[1] Grande alost' umma tüütiid, ku tä oll' 15-aastaganõ Broadway laulumängun “13”, a laemba ilma ette joudsõ tä ku Cat Valentine Nickelodeoni sar'an “Victorious” (2010–2013). Kuigiq näütelejä sai sääl pall'o üles astuq ku laulja, es sünnüq seost muusigakarjääri. Grande naas' ummi muusigavideoid pandma hoobis Youtube’i, kost timä and kõrrast inämb vällä tull' ni hulga inemiisi tähelepandmist sai.[2]
2013–2015
[toimõndaq | toimõndaq lätteteksti]Pääle “Victorioust” mängse Grande Ariana samma inemist sar'an “Sam&Cat” (2013–2014).[2]
2013. aastagul tull' vällä 1950. aastist mõotõt alostusplaat “Yours Truly”. Plaadi edimäne singli “The Way” sai Billboard Hot 100 tabõli edimäste kümnehe. Seo tõi lauljalõ pall'o avvo ja kuulsust, nuurt Grandet panti kõrvu kogoni pop-muusiga diivadõga nigu Mariah Carey ni Whitney Houston.[3]
Kõgõst aastak ildampa ilmut' laulik uma tõsõ albomi “My Everything” (2014), miä niisama nigu timä alostusplaat ammut' vaimo R&B’st, a ka tandsomuusikast.[4]
2015. aastagul tekk' Grande Ariana edimädse riikevaihõlidsõ tuuri “Honeymoon Tour”, et tutvustaq umma tõist plaati.[2]
2016–2018
[toimõndaq | toimõndaq lätteteksti]2016. aastagu lehekuul and' Grande Ariana vällä uma kolmanda albomi “Dangerous Woman”, midä peetäs timä edimädses n-ö täuskasunu tüüs. Arvostajaq hindasiväq plaadi kõgõ parõmbas osas Grande lauluväke.[5] Kah seo albumi peräst kõrraldõt 2017. aastakul riikevaihõlinõ tuur päälkiräga “Dangerous Woman Tour”. [6]
Suurõmbas kõrdaminekus oll' Grandel albom “Sweetener”, miä tull' vällä 2018. aastagul. Timä muusikat, kuulsat käekirjä ni luumu naati üleilmalidsõlt ainulidsõs pidämä. Arvostajaq kitväq, et Grande löüdse tuu neländä stuudioalbumiga selge viie ni helü, midä tund är kah timä illatsõman loomingun. [7]
2019–2020
[toimõndaq | toimõndaq lätteteksti]2019. aastagul and’ Grande Ariana vällä uma viiendä albomi “Thank You, Next”. Samanimeline alostussingli nõssi õkva Billboard Hot 100 tabõli edimädse kotusõ pääle.[8] Albom oll' 2019. aastagu kõgõ populaarsõmbidõ albomidõ siän[9] ni Grande kandidiirse mitmõlõ Grammyle. [10]
2020. aastagu saisoga om Grande Ariana kõgõ rohkõmb rahha tiinnü naislaulja.[11]
Välislingiq
[toimõndaq | toimõndaq lätteteksti]- ↑ IMDb
- ↑ 2,0 2,1 2,2 White, Danny 2017. Ariana: The Biography
- ↑ Ryce, Andrew 2013. Pitchfork, Ariana Grande "Yours Truly"
- ↑ Lipshutz, Jason 2020. Billboard, Ariana Grande Expands on "My Everything": Track-By-Track Review
- ↑ Weingarten, Christopher R. 2016. Rolling Stones, Dangerous Woman
- ↑ Lakshmin, Deepa 2017. MTV News, Ariana Grande Wrote a Beautiful Goodbye Note to Her "Dangerous Woman" Tour
- ↑ Mapes, Gillian 2018. Pitchfork, Ariana Grande "Sweetener"/
- ↑ Gragg, Michael 2019. The Guardian, Ariana Grande: Thank U, Next review – a break-up album of wit and wonder
- ↑ Billboard, 2020. Arashi Best-Of Tops Taylor Swift for IFPI's Best-Selling Album of 2019
- ↑ https://www.grammy.com/grammys/awards/63rd-annual-grammy-awards-2020
- ↑ Forbes 2020