Athruithe ar chonarthaí foirne

Mar fhostóir, ní mór duit d'fhostaithe a chur ar an eolas i scríbhinn faoi aon athrú ar a dtéarmaí fostaíochta. Ní mór é sin a dhéanamh a luaithe is féidir agus tráth nach déanaí ná an lá a thiocfaidh an t-athrú i bhfeidhm. Más leasú ar an dlí nó ar fhorálacha riaracháin is cúis leis an athrú, ní gá duit modhnú i scríbhinn a dhéanamh ar an gconradh bunaidh.

Más gá do d'fhostaithe oibriú ar feadh níos mó ná mí amháin i dtír eile, cásanna postála thar lear san áireamh, ní mór duit an t-eolas seo a leanas a chur ar fáil dóibh roimh ré:

• fad a bhfostaíochta thar lear
• an t-airgeadra a úsáidfear chun a dtuarastal a íoc
• liúntais a d'fhéadfaidís a bheith i dteideal a fháil le linn dóibh a bheith thar lear
• coinníollacha maidir lena bhfilleadh