Is sliocht ón suíomh gréasáin EUR-Lex atá sa doiciméad seo
Cásdlí JURE
Is é atá i gceist le JURE ná dlínse, aithint agus forghníomhú breithiúnas in ábhair shibhialta agus thráchtála.
Sa rannán seo tá breithiúnais ábhartha maidir le comhar breithiúnach leanúnach in ábhair shibhialta agus thráchtála a thug na cúirteanna seo a leanas:
- cúirteanna i stáit chonarthacha Choinbhinsiún Lugano (Ballstáit an Aontais, an Íoslainn, an Iorua agus an Eilvéis), agus
- * an Ríocht Aontaithe ina measc, go dtí deireadh na hidirthréimhse ar an 31.12.2020, dá bhforáiltear sa Chomhaontú um Tharraingt Siar.
- Cúirt Bhreithiúnais an Aontais Eorpaigh.
Tá breithiúnais na gcúirteanna náisiúnta ar fáil ina mbunteangacha amháin, ach:
- d’fhéadfadh achoimre i mBéarla, i bhFraincis agus i nGearmáinis a bheith ag gabháil le cuid acu freisin (má chuireann an tír atá i gceist ceann ar fáil).
- tá uirlis aistriúcháin uathoibríoch ar fáil lenar féidir breithiúnais agus achoimrí ar bhreithiúnais a aistriú go gach teanga oifigiúil den Aontas Eorpach.
Conas cuardach a dhéanamh sa rannán seo
Ar an taobh clé den leathanach seo, féadfaidh tú rochtain a fháil ar uirlisí cuardaigh.
- Faoi Chásdlí JURE a chuardach déanfar thú a atreorú chuig cuardach casta ina bhfuil an iliomad roghanna cuardaigh. Ní dhéanfar cuardaigh ach laistigh de réimse cuardaigh an rannáin ‘Cásdlí JURE’.
- Leis an gcuardach dar teideal Na foilseacháin is déanaí gheobhaidh tú rochtain ar gach doiciméad a foilsíodh sa rannán seo le 14 lá anuas.
Is faoi Airteagal 3 de Phrótacal 2 de Choinbhinsiún Lugano 2007 a cruthaíodh bailiúchán chásdlí JURE.
San airteagal sin ceanglaíodh ar an gCoimisiún Eorpach córas a bhunú a bheadh inrochtana ag an bpobal, ina mbeadh breithiúnais ábhartha a tugadh faoin gCoinbhinsiún sin agus faoi ionstraimí eile a bhfuil tionchar acu ar a chur chun feidhme.
Leathnaíodh an bailiúchán i gcaitheamh na mblianta agus anois tá breithiúnais ann a tugadh fúthu seo a leanas:
- Coinbhinsiún na Bruiséile – ábhair shibhialta agus thráchtála (1968)
- Coinbhinsiún Lugano – ábhair shibhialta agus thráchtála (1988)
- Rialachán na Bruiséile I – ábhair shibhialta agus thráchtála (2000)
- Rialachán na Bruiséile II – ábhair maidir le pósadh agus le freagracht tuismitheora as leanaí an dá chéile (2000)
- Rialachán nua na Bruiséile II – ábhair maidir le pósadh agus le freagracht tuismitheora as leanaí an dá chéile (2003)
- Coinbhinsiún nua Lugano – ábhair shibhialta agus thráchtála (2007)
- Rialachán na Bruiséile I – athmhúnlú – ábhair shibhialta agus thráchtála (2012)
- Rialachán maidir le Comharbas (2012)
- Rialachán maidir le réimis maoine pósta (2016)
- Rialachán maidir le hiarmhairtí maoine páirtnéireachtaí cláraithe (2016)
- Rialachán nua na Bruiséile II – athmhúnlú – ábhair maidir le pósadh agus le freagracht tuismitheora as leanaí an dá chéile, agus le fuadach idirnáisiúnta leanaí (2019).