Everton Football Club

Everton Football Club
Ezizena(k)	The Toffees, The Blues
Sorrera	1878
Futbol zelaia	Goodison Park; edukiera: 40.410 lagun; inaugurazioa: 1892
Presidentea	Bill Kenwright
Entrenatzailea	Sean Dyche
Liga	Premier League
2023-24	15.a
Webgunea	Webgune ofiziala

	Etxekoa

	Kanpokoa

Everton Football Club Ingalaterrako futbol taldea da, Liverpool hirian egoitza eta zelaia (Goodison Park estadioa) dituena eta Liverpool FC taldearekin lehia tradizionala izan duena. Hainbat liga eta kopaz gain Europako Errekopa bat ere irabazi du.

Historia

Sorrera eta hasierako urteak

Liverpooleko Santo Domingoko eliza metodikoaren parte zen jendeak kirola urte osoan egin zezan sorturiko kluba da. 1878an sortu zenean Santo Domingo izena zuen arren hurrengo urtean Everton auzoaren izena ezarri zioten parrokiaz kanpoko jendeak ere parte har zezan.

1889an Ligaren fundatzailea izan zen eta berehala bihurtu zen txapelduna, 1891ean hain zuzen ere. Lehen Mundu Gerraren aurretik beste liga eta kopa bana eskuratu zituen.

20ko eta 30eko hamarkadak

1925 urtean Dixie Dean aurrelaria fitxatu zuen eta taldearen lehenengo urrezko aroa hasi zen. 1928an Liga irabazi zuen Dixie Deanek gol kopuruaren errekorra gainditu zuelarik, 60 gol 39 partidatan, oraindik gainditu ez den errekorra. Ingalaterrako Superkopa ere eskuratu zuen.

Barne istiluen erruz Everton bigarren mailara jeitsi zen 1930an. Bi urte behe mailan egin ondoren gogor itzuli zen maila gorenera eta 1932an berriz ere Liga berri bat eta Superkopa, eta 1933an Kopa irabazi zituen. 1939an bosgarren Liga lortu zuen. Garai honen amaiera Bigarren Mundu Gerrak markatu zuen.

60ko hamarkada: Harry Catterick

1961ean Harry Catterick entrenatzailearen ardurapean bigarren bolada onari ekin zion. Bi liga, bi superkopa eta FA kopa bat irabazi zituen hamarkada honetan. Garai honetan bost urtez jarraian sailkatu zen Europako txapelketatarako, baina ez zuen emaitza aipagarririk lortu.

80ko hamarkada: Howard Kendall

1981ean Howard Kendall entrenatzailea hartu zuten. Honek hirugarren aro bikaina ekarri zion taldeari, 1985eko Europako Errekopak biribildu zuena. Evertonen izandako sei urteetan Kendallek bi Liga, FA Kopa bat eta lau superkopa ere lortu zituen.

Howrad Kendallek taldea 1987an utzi zuen Bilboko Athletic Klubera joateko.

Azken urteak

Everton 1992an abiarazi zen Premier League txapelketa berriaren dundatzailea izan zen. Ordutik lorturiko garaipen bakarrak 1995ko Kopa eta ondoren Superkopa izan dira.

2002 urtean jeistear egon zen baina lehen mailan mantentzea lortu zuen. 2007-08 eta 2008-09ko UEFA Kopatan parte hartu du eta 2009an Kopako finalera iritsi zen. 2013tik aurrera seigarren eta zazpigarren postuetan sailkatu da eta Europako txapelketak jokatzeko aukera izan du.

Uniformea

Historikoa

1901etik aurrera izan ditu gaur egungo koloreak baina XIX mendean hainbat kolore erabili zituen.





1878





?





1892





?





1901-etik

Azken urteak





2018-2019





2019-2020





2020-2021





2021-22





2022-23

Irabazitako txapelketak

Ingalaterran: 23

Ingalaterrako Liga (9) :
- 1891, 1915, 1928, 1932, 1939, 1963, 1970, 1985, 1987
Ingalaterrako Kopa (5) :
- 1906, 1933, 1966, 1984, 1995
Ingalaterrako Superkopa (9) :
- 1928, 1932, 1963, 1970, 1984, 1985, 1986, 1987, 1995
Ingalaterrako Ligako Kopa (0) :
- finalista 1977 eta 1984ean.

Nazio artean: 1

Europako Errekopa (1) :
- 1985

Jokalari ezagunak

Howard Kendall (1966-1981), erdilaria.
Neville Southall (1981-1998), atezaina.
Wayne Rooney (2002-2004), aurrelaria.

Emakumezkoen taldea

1983an sortu zen Hoylake WFC izenarekin.

Ingalaterrako Liga:
- Txapelduna (1): 1998.
- Bigarrena (5): 2006, 2007, 2008, 2009, 2010.
Ingalaterrako Kopa:
- Txapelduna (2): 1989 (Leasowe Pacific), 2010.
- Finalista (2): 1988 (Leasowe Pacific), 2005.
Ligako Kopa:
- Txapelduna (1): 2008.
- Finalista (2): 1997, 1999.
Ingalaterrako Superkopa:
- Txapelduna (0)
- Finalista (2): 2007, 2009.

Kanpo estekak

(Ingelesez) Webgune ofiziala

Datuak: Q5794
Multimedia: Everton FC / Q5794

Premier League 2022-23