Հակոբոս Պոզաճյան
Հակոբոս Պոզաճյան արմտ. հայ.՝ Յակովբոս Պօզաճեան | |
|---|---|
| Ծնվել է | օգոստոսի 6, 1808[1] Անկարա, Օսմանյան կայսրություն[1] |
| Մահացել է | հոկտեմբերի 1, 1883[2][1] (75 տարեկան) Վիեննա, Ավստրո-Հունգարիա[1] |
| Քաղաքացիություն | .svg){kind=small} Օսմանյան կայսրություն և  Ավստրո-Հունգարիա |
| Ազգություն | հայ |
| Դավանանք | Հռոմի Կաթոլիկ եկեղեցի[3][1] |
| Մասնագիտություն | բառարանագիր, կաթոլիկ քահանա և ուսուցիչ |
| Պաշտոն(ներ) | կաթոլիկ արքեպիսկոպոս, տիտղոսակիր արքեպիսկոպոս և general abbot of the Mekhitarist Monastery of Vienna? |
Հակոբոս Պոզաճյան (օգոստոսի 6, 1808[1], Անկարա, Օսմանյան կայսրություն[1] - հոկտեմբերի 1, 1883[2][1], Վիեննա, Ավստրո-Հունգարիա[1]), հայ բառարանագիր։ Վիեննայի Մխիթարյան միաբանության աբբահայր (1855 թվականից)։
Կենսագրություն
[խմբագրել | խմբագրել կոդը]Երկար տարիներ դասավանդել է միաբանության դպրոցում։ Միաբանությանը կից հիմնել է (Ա․ Ազատյանի և այլոց հետ) Արամյան ընկերությունը (1843-1920), որի նպատակն էր հրատարակել գեղարվեստական, հայագիտական-բանասիրական և թարգմանական գրականություն։ Պոզաճյանը դպրոցներ է հիմնել Կ․ Պոլսում, Զմյուռնիայում, Տրիեստում և այլուր։ 1836 թվականին լույս է տեսել նրա «Քերականութիւն իտալական լեզվուի» աշխատությունը, ապա հրատարակվել են «Համառոտ բառարան ի հայէ ի տաճիկ»-ը (1838, 25000 բառ) և «Համառոտ բառարան ի տաճկականէ ի հայ»-ը (1841, 45000 բառ), որոնք Վիեննայի Մխիթարյանների բառարանային առաջին գործերն են։ Բառարաններում տաճկերենը հայատառ է։ Պոզաճյանը գրել է նաև թուրքերեն-հայերեն-իտալերեն-լատիներեն-ֆրանս-գերմաներեն բազմալեզվյան թարգմանական մի բառարան, որն անտիպ է։
Ծանոթագրություններ
[խմբագրել | խմբագրել կոդը] | Վիքիդարանն ունի նյութեր, որոնք վերաբերում են «Հակոբոս Պոզաճյան» հոդվածին։ |
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 348)։ 
|