Í gjárakvøldið mátti løgreglan fara út á Nólsoynna við Rescue LÍV.
Har var boðað frá einum harðskapsmáli.
Ein maður sum ikki er búsitandi í Nólsoy, var komin út á oynna, og ávirkaður uppsøkti hann eitt fólk á einum bústaði.
Fleiri fólk hoyrdu rokið og komu til húsini fyri at hjálpa. Tað endaði við at tvey fólk afturat blivu álopin.
Tá løgreglan kom á staðið var maðurin sissaður nakað aftur, og bleiv hann tikin við til Havnar á støðina.
Har var hann enn í morgun, segði vakthavandi. Vit fara at avhoyra hann, tá hann er komin meira fyri seg.
Maðurin er nú skuldsettur fyri harðskapi ímóti trimum fólkum, og skulu tey trý koma á støðina at avhoyrast, eftir at tey eru kannaði á sjúkrahúsinum.
https://dimma.fo/grein/hotti-folki-eftir-livinum
