Richard Wagner
Wilhelm Richard Wagner (sorang 22 Mei 1813 – maninggal 13 Februari 1883 i umur 69 taon) ima sada komponis namarpangaruh i Jerman, pakar teori musik, dot panulis, tai lobi targorar lewat karya operania. Musiknia jotjot dope imainkon, na lobi tarmashur ims "Ride of the Valkyries" tingon Die Walküre dot "Bridal Chorus" tingon Lohengrin. Wagner juo ima sada tokoh na lumobi kontroversial, arani inovasi musik dot inovasi dramania dot juo arani ia ima sada pandukung pamikiran-pamikiran anti-semitisme. I sejarah musik, ia igolongkon tu komponis tingon Zaman Romantik.
Ia sorang i Leipzig, Jerman, 22 Mei 1813. Amangnia, sada pejabat kotamadya, maninggal 6 bulan sidung ia sorang, dot i Agustus 1814 inangnia marripe dot aktor margorar Ludwig Geyer. Geyer, na idokon-dokon ni alak amang ni Wagner na sapetona, maninggal atia Wagner marumur onom taon, mambaen Wagner ipagodang sada inangnia doma. Wagner manjadi sada musikus na karyana bahat najop roana alak-alak namora i masona.