Даўжыня цела вар’іруе ад 40 да 80 сантыметраў, рост у карку 20—40 сантыметраў, а вага ад 2 да 15 кілаграмаў. У іх невялікая галава, выцягнутая вострая мыска, велізарныя вочы, моцна выгінастая спіна і тонкія стройныя ножкі. Афарбоўка заступніцкая — бурая або карычневая з белымі плямамі. Рогаў не бывае. Прадстаўнікі сямейства самыя прымітыўныя ў падатрадзе жвачных. Яны ходзяць на дзвюх сярэдніх пальцах з капытцамі, але ў іх захаваліся і два бакавыя пальцы, адсутныя ў іншых жвачных. Страўнік таксама уладкаваны значна прасцей і складаецца з трох аддзелаў, а не чатырох.
З’явіліся на Зямлі каля 50 млн гадоў таму. Тады яшчэ толькі пачыналі фармавацца атрады старажытных капытных. Прадстаўнікі сямейства практычна не змяніліся і больш за іншых нагадваюць продкаў капытных і знешнім выглядам, і спосабам жыцця. Найбольшае распаўсюджванне атрымалі ў міяцэне.
Жывуць паасобку і сустракаюцца адзін з адным толькі ў перыяд размнажэння. Праз 5 месяцаў з’яўляецца адно дзіцяня. Яно корміцца малаком на працягу двух тыдняў, а ў 5 месяцаў становіцца дарослым і пакідае тэрыторыю бацькоў. Кормяцца рознымі часткамі раслін, пладамі, насякомымі, рыбай, крабамі, дробнымі грызунамі. На пошукі ежы выходзяць ноччу, а днём хаваюцца ў зарасніках, пад каранямі, у дуплах дрэў, размешчаных невысока над зямлёй.
↑Соколов В. Е. Пятиязычный словарь названий животных. Млекопитающие. Латинский, русский, английский, немецкий, французский. / под общей редакцией акад. В. Е. Соколова. — М.: Рус. яз., 1984. — С. 125. — 10 000 экз.
