Няманя Відзіч
Агульная інфармацыя | ||||||||||||||||
---|---|---|---|---|---|---|---|---|---|---|---|---|---|---|---|---|
Мянушка | Віда | |||||||||||||||
Нарадзіўся |
21 кастрычніка 1981[1][2] (43 гады) |
|||||||||||||||
Грамадзянства | Сербія | |||||||||||||||
Рост | 190 кг | |||||||||||||||
Вага | 88 см | |||||||||||||||
Пазіцыя | цэнтральны абаронца | |||||||||||||||
Інфармацыя пра клуб | ||||||||||||||||
Клуб | завяршыў кар’еру | |||||||||||||||
Маладзёжныя клубы | ||||||||||||||||
|
||||||||||||||||
Клубная кар’ера[* 1] | ||||||||||||||||
|
||||||||||||||||
Нацыянальная зборная[* 2] | ||||||||||||||||
|
||||||||||||||||
Медыяфайлы на Вікісховішчы |
Няманя Відзіч (сербск.: Немања Видић; 21 кастрычніка 1981 года, Ужыцэ, Югаславія) — сербскі футбаліст, абаронца. Былы ігрок нацыянальнай зборнай Сербіі. Перш за ўсё вядомы па выступам за англійскі «Манчэстэр Юнайтэд», капітанам якога раней з’яўляўся.
Біяграфія
[правіць | правіць зыходнік]Няманя Відзіч нарадзіўся ў сям’і Драгалюба, былога працаўніка меднай фабрыкі, і Зоры, якая працавала ў банку. Ён пачаў займацца футболам ва ўзросце 7 гадоў. Разам са сваім старэйшым братам Душанам Няманя трэніраваўся ў мясцовым клубе «Адзінства». Відзіч хутка прагрэсаваў, і ўжо ва ўзросце 12 гадоў перайшоў у іншы клуб, «Слабада».
Таленавітага іграка запрыкмецілі скаўты «Црвены Звезды», якая запрасіла абаронцу да сябе. Незадоўга да свайго 15 года нараджэння, Відзіч падпісаў моладзевы кантракт з «Црвенай Звездай». З 2000 года ён пачаў выступаць на прафесійным узроўні, правёўшы сезон 2000/01 у арэндзе ў клубе «Спартак» з Субаціцы. Ужо ў наступным сезоне ён вярнуўся ў «Црвену Звезду», у якой хутка заваяваў месца ў аснове і пачаў рэгулярна выступаць у чэмпіянаце Югаславіі. У сезоне 2001/02 Відзіч стаў уладальнікам Кубка Югаславіі[3], а праз некаторы час быў абраны капітанам клуба.
У ліпені 2004 года Відзіч перайшоў у клуб расійскай Прэм’ер-лігі «Спартак». Сума трансферу не выкрывалася, аднак, паводле некаторых крыніц, Відзіч стаў самым дарагім абаронцам у гісторыі РФПЛ на той момант.
Пасля 1,5 сезонаў у маскоўскім «Спартаку» Відзіч перайшоў у клуб англійскай Прэм’ер-лігі «Манчэстэр Юнайтэд». «Юнайтэд» выяўляў цікавасць да таленавітага сербскага абаронцы яшчэ з лета 2003 года[4], але трансфер адбыўся толькі праз два з паловай гады, 5 студзеня 2006 года. Сума пераходу, як паведамляецца, склала каля 7 млн фунтаў.
У сезоне 2006/07 Відзіч трывала заваяваў месца ў аснове каманды, сфарміраваўшы ў цэнтры абароны магутную звязку з Рыа Фердынандам, якая стала ў далейшым адной з наймацнейшых у англійскім футболе[5]. Свой першы гол за «Юнайтэд» Відзіч забіў 14 кастрычніка 2006 года ў матчы супраць «Уігана», які «чырвоныя д’яблы» выйгралі з лікам 3:1[6]. 4 лістапада Відзіч зноў адзначыўся голам, на гэты раз у браму «Портсмута». 8 лістапада 2007 года Няманя падпісаў новы кантракт з клубам, падоўжыўшы яго на два гады, да 2012 года[7]. У лютым 2011 года Відзіч стаў капітанам каманды, пасля таго як Гары Невіл скончыў сваю кар’еру. У сезоне 2010/11 абаронца быў абраны найлепшым іграком Прэм’ер-лігі. У снежні 2011 года ў матчы супраць «Базеля» Відзіч атрымаў разрыў звязак калена і выбыў на паўгода[8]. Ігрок вярнуўся на поле ў жніўні 2012 года, але затым зноў выбыў на 2 месяцы з-за аперацыі на меніску калена правай нагі.
5 сакавіка 2014 года «Інтэрнацыянале» абвясціў пра тое, што Відзіч з сезону 2014/15 будзе выступаць за італьянскі клуб, пасля таго як у ліпені 2014 года скончыцца кантракт з «Юнайтэд»[9]. Аднак, у «Інтэрнацыянале» не здолеў замацавацца ў аснове, а пасля прыходу на пасаду галоўнага трэнера Раберта Манчыні канчаткова асеў на лаўцы. 18 студзеня 2016 кантракт Відзіча з міланскім клубам быў разарваны[10].
29 студзеня 2016 года абвясціў аб завяршэнні прафесійнай кар’еры[11].
Асабістае жыццё
[правіць | правіць зыходнік]17 ліпеня 2006 года Відзіч ажаніўся з Ганнай Іванавіч, студэнткай факультэта эканомікі Бялградскага ўніверсітэта (не блытаць з аднайменнай сербскай тэнісісткай). У пары нарадзіўся сын Лука[12]. 27 мая 2009 года ў пары нарадзіўся другі сын — Стэфан. Акрамя таго яны маюць трэцяга сына, якога клічуць Петарам.
Дасягненні
[правіць | правіць зыходнік]Црвена Звезда:
- Чэмпіён Сербіі і Чарнагорыі: 2004
- Уладальнік Кубка Югаславіі: 2002
- Уладальнік Кубка Сербіі і Чарнагорыі: 2004
Манчэстэр Юнайтэд:
- Чэмпіён Англіі (5): 2007, 2008, 2009, 2011, 2013
- Уладальнік Кубка Футбольнай Лігі (3): 2006, 2009, 2010
- Уладальнік Суперкубка Англіі (5): 2007, 2008, 2010, 2011, 2013
- Пераможца Лігі чэмпіёнаў: 2008
- Пераможца Клубнага чэмпіянату свету: 2008
Зноскі
- ↑ Nemanja Vidic // Transfermarkt — 2000. Праверана 9 кастрычніка 2017.
- ↑ NEMANJA VIDIC // Argentine Soccer Database
- ↑ Yugoslavia Cup 2001/02. Rec.Sport.Soccer Statistics Foundation. RSSSF.com
- ↑ Nada Grkinic. Vidic boosts Man Utd hope. BBC Sport.
- ↑ Paul Fletcher. How Man Utd ousted Chelsea. BBC Sport
- ↑ Jonathan Stevenson. Wigan 1-3 Man Utd. BBC Sport.
- ↑ Vidic signs new Man Utd contract. BBC Sport.
- ↑ Фергюсон подтвердил, что Видич выбыл до конца сезона. championat.com
- ↑ Nemanja Vidic, capitano del Manchester United, all’Inter dalla prossima stagione Архівавана 10 жніўня 2014.. Inter.it
- ↑ «Интер» расторг контракт с Видичем. football.by
- ↑ Видич завершил карьеру. by.tribuna.com
- ↑ Amy Lawrence. Profile: Nemanja Vidic. The Observer. guardian.co.uk
Спасылкі
[правіць | правіць зыходнік]- На Вікісховішчы ёсць медыяфайлы па тэме Няманя Відзіч
- Нарадзіліся 21 кастрычніка
- Нарадзіліся ў 1981 годзе
- Нарадзіліся ў Сербіі
- Асобы
- Спартсмены паводле алфавіта
- Футбалісты паводле алфавіта
- Футбалісты Сербіі і Чарнагорыі
- Футбалісты Сербіі
- Ігракі зборнай Сербіі па футболе
- Ігракі зборнай Сербіі і Чарнагорыі па футболе
- Ігракі ФК Інтэрнацыянале Мілан
- Ігракі ФК Манчэстэр Юнайтэд
- Ігракі ФК Спартак Масква
- Ігракі ФК Спартак Субаціца
- Ігракі ФК Црвена Звезда