Перайсці да зместу

Майк Джонсан

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Джонсан.
Майк Джонсан
56-ы спікер Палаты прадстаўнікоў ЗША[d]
з 25 кастрычніка 2023
Нараджэнне 30 студзеня 1972(1972-01-30)[1] (52 гады)
Жонка Kelly Johnson[d]
Веравызнанне Паўднёвая баптысцкая канвенцыя[d]
Партыя
Адукацыя
Аўтограф Выява аўтографа
Сайт mikejohnson.house.gov (англ.)
Лагатып Вікісховішча Медыяфайлы на Вікісховішчы

Джэймс Майкл Джонсан (англ.: James Michael Johnson; нар. 30 студзеня 1972, Шрыўпарт, Луізіяна, ЗША) — амерыканскі юрыст і палітычны дзеяч, спікер Палаты прадстаўнікоў ЗША з 25 кастрычніка 2023 года. Першы спікер Палаты прадстаўнікоў ЗША, абраны ад Луізіяны. Уваходзіць у лік рэкардсменаў у палітыцы ЗША па хуткасці кар’еры: за 140 гадоў першы кангрэсмен, які змог стаць спікерам адпрацаваўшы ў Палаце прадстаўнікоў менш за 7 гадоў.

Правы кансерватар хрысціянскага толку. Адзін з найбліжэйшых паплечнікаў Дональда Трампа[3][4].

Біяграфія

[правіць | правіць зыходнік]

Майк Джонсан нарадзіўся ў Шрыўпарце і быў старэйшым дзіцем Жанны Джонсан і Джэймса Патрыка Джонсана[5]. Яго бацька быў пажарным, які заснаваў некамерцыйную арганізацыю The Percy R. Johnson Burn Foundation, названую ў гонар яго партнёра Персі Р. Джонсана, першага ў горадзе афраамерыканскага пажарнага інструктара і капітана, які загінуў пры выкананні службовых абавязкаў[6]. Бацька Джонсана таксама атрымаў сур’ёзныя апёкі і стаў інвалідам пры выкананні службовых абавязкаў падчас таго ж пажару[7]. У Джонсана ёсць два браты, Крыс і Джош, і сястра Лора. Дзед Джонсана па матчынай лініі, Нунцыа Месіна, быў родам з Італіі і ў яго ёсць французскія і ірландскія продкі з боку бацькі.

Джонсан скончыў сярэднюю школу капітана Шрыва ў Шрыўпарце. Ён атрымаў ступень бакалаўра ў галіне дзелавога адміністравання ва Універсітэце штата Луізіяна ў Батан-Ружэ. Ён мае ступень доктара юрыспрудэнцыі ў юрыдычным цэнтры універсітэта Луізіяны[8].

Кар’ера

[правіць | правіць зыходнік]

З 2004 па 2012 год — член камісіі па этыцы і рэлігійнай свабодзе Паўднёвай баптысцкай канвенцыі (англ. Southern Baptist Convention) — найбуйнейшая пратэстанцкая арганізацыя ў ЗША.

Да свайго абрання ў Кангрэс Джонсан быў партнёрам юрыдычнай фірмы Kitchens, а таксама старэйшым адвакатам і прадстаўніком нацыянальных СМІ Фонду абароны Альянсу (Альянс абароны свабоды — амерыканская кансерватыўная хрысціянская група па юрыдычнай абароне, якая працуе над пашырэннем хрысціянскай практыкі ў дзяржаўных школах і ва ўрадзе, забараняе аборты).

10 лютага 2016 года Джонсан вылучыў сваю кандыдатуру на месца ў 4-й акрузе кангрэса, якую на той момант на працягу васьмі гадоў займаў Джон Флемінг. Флемінг балатаваўся на месца ў Сенаце Злучаных Штатаў, якое вызваліў Дэвід Вітэр. Джонсан перамог на выбарах[9][10][11]. У 2018 годзе Джонсан быў пераабраны на другі тэрмін[12].

У 2018 годзе Джонсан бяздоказна заявіў, што «атэістычныя судовыя групы» з Каліфорніі спрабавалі атрымаць схаванае відэа і шпіёніць за вучнямі-хрысціянамі ў сярэдняй школе Луізіяны.

У 2020 годзе Джонсан атрымаў свой трэці тэрмін у Палаце прадстаўнікоў, перамогшы кандыдата ад Дэмакратычнай партыі Кені Х’юстана[13].

У 2022 годзе Джонсан без супраціву быў пераабраны ў Палату прадстаўнікоў.

У 2017 годзе Джонсан стаў намеснікам старшыні Рэспубліканскай канферэнцыі, памочнікам спікера Палаты прадстаўнікоў рэспубліканцаў, членам Судовага камітэта, Камітэта па ўзброеных сілах, а таксама членам і былым старшынёй Рэспубліканскага даследчага камітэта[14].

Джонсан галасаваў за амерыканскі закон аб ахове здароўя 2017 года[15].

У снежні 2017 года Джонсан прагаласаваў за Закон аб зніжэнні падаткаў і стварэнні працоўных месцаў. Пасля галасавання за закон ён назваў эканоміку «адсталай» і «цяжарам» для амерыканцаў[16].

Джонсан таксама быў у ліку 147 рэспубліканцаў, якія прагаласавалі за адмену вынікаў выбараў 2020 года.

19 мая 2021 года Джонсан і ўсе астатнія сем лідэраў рэспубліканскай палаты прадстаўнікоў у 117-м Кангрэсе прагаласавалі супраць стварэння Нацыянальнай камісіі па расследаванні штурму Капітолія ЗША 6 студзеня 2021 года. Трыццаць пяць членаў Палаты прадстаўнікоў ад рэспубліканецаў і ўсе прысутныя 217 дэмакратаў прагаласавалі за стварэнне такой камісіі[17][18].

Пасля прамежкавых выбараў 2022 года дэпутат Эндзі Бігс прапанаваў Джонсана ў якасці магчымага кампраміснага кандыдата на пасаду спікера Палаты прадстаўнікоў замест Кевіна Макарці. Пасля звяржэння Макарці прадстаўнік парламента Мэт Гец зноў прапанаваў Джонсана ў якасці кандыдата на пасаду спікера[19]. 13 кастрычніка 2023 года Джонсан заявіў, што не будзе балатавацца на пасаду спікера і замест гэтага падтрымаў свайго калегу Джыма Джордана. 21 кастрычніка 2023 года Джонсан вылучыў сваю кандыдатуру на вакантную пасаду спікера Палаты прадстаўнікоў. 24 кастрычніка 2023 года Джонсан стаў чацвёртым кандыдатам на выбарах спікера ў кастрычніку 2023 года[20].

25 кастрычніка 2023 года Майк Джонсан стаў 56-м спікерам Палаты прадстаўнікоў ЗША.

Палітычныя погляды

[правіць | правіць зыходнік]

Па рэйтынгу палітыкаў ЗША DW-Nominate Джонсан датычыцца да вельмі правых кансерватараў хрысціянскага толку[21]. Уваходзіць у лік найбліжэйшых паплечнікаў Дональда Трампа. Па дадзеных Politico сваім прызначэннем таксама абавязаны Трампу, які дамогся, каб канкурэнты Джонсана як Том Эмер знялі сваю кандыдатуру[22][21]. Быў ключавым актывістам-рэспубліканцам, які арганізаваў у Палаце прадстаўнікоў галасаванне аб фальсіфікацыі (дакладней неканстытуцыйнай працэдуры) выбараў, дзе выйграў Байдэн. Асабіста паслаў усім кангрэсменам ліст, што завочныя выбары самі па сабе ствараюць неканстытуцыйную перавагу дэмакратам. Больш за 140 кангрэсменаў падтрымалі Джонсана на галасаванні аб непрызнанні выбараў, дзе перамог Байдэн. Пры працэдуры імпічменту Трампа, па факце выконваў ролю яго адваката ў Сенаце і ключавога арганізатара блакавання імпічменту[3][4].

Bloomberg і New York Times лічаць перамогу Джонсана ў выбарах на пасаду спікера Палаты прадстаўнікоў перамогай вельмі правага крыла рэспубліканцаў-трампістаў (MAGA). Axios адзначае, што Джонсан карыстаецца высокай рэпутацыяй у Рэспубліканскай партыі і дамогся максімальнай колькасці праходжання сваіх законапраектаў сярод усіх хто з рэспубліканцаў намінаваўся на пасаду спікера ў яго выбарчым цыкле, што кажа аб высокіх перагаворных і працэдурных навыках Джонсана.[23]

Па рэйтынгу групы рэспубліканцаў у падтрымку Украіны Джонсан ставіцца да «вельмі кепскаму» выбару для Украіны, бо галасаваў супраць усіх законаў у падтрымку Украіны за выключэннем ленд-ліза і рабіў «антыўкраінскія заявы»[24]. Між тым, Bloomberg адзначае, што Джонсан гатовы да кампрамісаў у гэтых пытаннях з Байдэнам.[21] Як «антыўкраінскія заявы» Джонсану прыпісваюць яго заявы зробленыя пры падтрымцы арганізацыі ветэранаў арміі ЗША «Вярніце нашы войскі дадому», дзе ён заяўляў, што выдаткі на Украіну менш прыярытэтныя, чым выдаткі на ўнутраныя патрэбы ЗША, а таксама патрабаваў прызначыць інспектараў за расходаваннем выдзеленай дапамогі, баючыся карупцыйных растрат[25][26].

Як глыбока веруючы хрысціянскі кансерватар Джонсан выступае супраць абортаў і таксама выступае супраць правоў ЛГБТ. У прыватнасці ён супраць дзяржаўнага фінансавання спорту трансгендэраў-мужчын у жаночых намінацыях, а для дашкольных і школьных устаноў лічыць, што на ўсёй тэрыторыі ЗША павінен дзейнічаць аналаг закона Фларыды «не кажы гей», дзе тэма аднаполых адносін ніяк не абмяркоўваецца ні станоўча, ні адмоўна з навучэнцамі. Джонсан таксама супраць дазволу выкарыстання гармонаў для затрымкі палавога паспявання дзецьмі і падлеткамі, якія вырашылі, што яны трансгендэры і нават пры згодзе іх бацькоў.

Член камітэтаў Кангрэса ЗША[27][28][29]

  • United States House Judiciary Subcommittee on the Constitution and Limited Government. Кіраўнік камітэта. Камітэт займаецца законапраектамі прадугледжваюць папраўкі да Канстытуцыі ЗША, а таксама сочыць за выкананнем розных рэгламентаў ва ўрадзе ад этыкі зносін да парадку падачы пазоваў да ўрада ЗША
  • Weaponization of the Federal Government. Камітэт створаны трампістамі для барацьбы з «глыбіннай дзяржавай» (Deep State) і займаецца расследаваннем злоўжыванняў уладай чыноўнікамі ЗША
  • Armed Services Committee. Камітэт па ўзброеных сілах ЗША

Таксама ўваходзіць у некалькі камітэтаў Рэспубліканскай партыі кансерватыўнага толку.

Зноскі

  1. ↑ а б в г Biographical Directory of the United States Congress — GPO, 1903.
  2. ↑ https://www.workwithdata.com/person/mike-johnson-1972 Праверана 19 лістапада 2024.
  3. ↑ а б Ramirez, Nikki McCann. Trump Cheers GOP for Nominating Key Election Denier for Speaker (англ.). Rolling Stone (25 кастрычніка 2023). Праверана 25 кастрычніка 2023.
  4. ↑ а б GOP speaker nominee Mike Johnson played a key role in efforts to overturn the 2020 election (англ.). NBC News (25 кастрычніка 2023). Праверана 25 кастрычніка 2023.
  5. ↑ J. Michael Johnson - Lawyer in Bossier City, Louisiana (LA) Bossier County - legaldirectories.com(недаступная спасылка). legaldirectories.com. Архівавана з першакрыніцы 13 ліпеня 2018. Праверана 26 кастрычніка 2023.
  6. ↑ About Percy R. Johnson.
  7. ↑ Congressman Mike Johnson: Video. Facebook. Праверана 25 октября 2023.
  8. ↑ About Mike. mikejohnsonlouisiana.com. Праверана 25 октября 2023.
  9. ↑ Election Returns. Louisiana Secretary of State (10 снежня 2016). Праверана 25 октября 2023.
  10. ↑ State Rep. Johnson to run for 4th Congressional seat(недаступная спасылка). KALB-TV. Архівавана з першакрыніцы February 11, 2016. Праверана 25 октября 2023.
  11. ↑ Election Returns. Louisiana Secretary of State (8 лістапада 2016). Праверана 25 октября 2023.
  12. ↑ Election Returns. Louisiana Secretary of State (6 лістапада 2018). Праверана 25 октября 2023.
  13. ↑ Mike Johnson (Louisiana). Ballotpedia.
  14. ↑ Member List(недаступная спасылка). Republican Study Committee. Архівавана з першакрыніцы January 1, 2019. Праверана 25 октября 2023.
  15. ↑ FINAL VOTE RESULTS FOR ROLL CALL 256.
  16. ↑ How Each House Member Voted on the Tax Bill. The New York Times (19 снежня 2017). Праверана 25 октября 2023.
  17. ↑ Roll Call 154 Bill Number: H. R. 3233 117th Congress, 1st Session, United States House of Representatives, May 19, 2021. Retrieved May 20, 2021.
  18. ↑ How Republicans voted on a commission to investigate the Jan. 6 Capitol riot, Washington Post, May 19, 2021. Retrieved May 20, 2021.
  19. ↑ Biggs renews challenge to McCarthy amid lack of consensus alternative, The Hill, 25 октября 2023. Retrieved December 14, 2022.
  20. ↑ The Subcommittee on the Constitution and Limited Government. Праверана 25 октября 2023.
  21. ↑ а б в "Trump Ally Mike Johnson Elected House Speaker, Shifting GOP Further Right". Bloomberg.com.
  22. ↑ ‘I killed him': How Trump torpedoed Tom Emmer’s speaker bid (англ.). POLITICO (24 кастрычніка 2023). Праверана 25 кастрычніка 2023.
  23. ↑ What to know about new House Speaker Mike Johnson.
  24. ↑ Mike Johnson - GOP Legislator Profile (англ.). Republicans For Ukraine. Праверана 25 кастрычніка 2023.
  25. ↑ Boucher, Makenzie. Veterans group praises Louisiana representatives' no votes on Ukraine aide package (англ.). The Times. Праверана 25 кастрычніка 2023.
  26. ↑ https://twitter.com/RepMikeJohnson/status/1630666801880113157 (руск.). X (formerly Twitter). Праверана 25 кастрычніка 2023.
  27. ↑ The Subcommittee on the Constitution and Limited Government | House Judiciary Committee Republicans (англ.). judiciary.house.gov (19 верасня 2023). Праверана 25 кастрычніка 2023.
  28. ↑ Select Subcommittee on the Weaponization of the Federal Government | House Judiciary Committee Republicans (англ.). judiciary.house.gov (20 ліпеня 2023). Праверана 25 кастрычніка 2023.
  29. ↑ Armed Services (118th Congress) (англ.). Armed Services Republicans. Праверана 25 кастрычніка 2023.
Узята з "https://be.wikipedia.org/w/index.php?title=Майк_Джонсан&oldid=4878174"