Sidharta Gautama

Sidharta Gautama īr budėzma pradėninks, legendėnis Indėjės princos, da vadėnams Buda Šakjamūnio. Tonkē vėinuodėnams so buda, no Sidharta bova tėktās vėins ėš budu. Ons gėmė aple 560 m. pr. Kr. Jaunīstie Sidharta bova baguots, biedu nematontis princos, ons bova apsėžanėjės so princėsė Jašodhara. Nū paskum Sidharta sosėmėslėjė, ka tēp gīvendams ons nesopras kančiu ė skausma prīžastiu, ožtat palėka sava šeimīna ė patapa vėinouliu atsėskīreliu. Ons sotėka daugel vėsuokiu muokītuoju, stodėjava vėsuokės vieras no atsakīma nerada. Tumet ons pats pradiejė ėiškuotė prīžastiu ė toriedams 35 metus patīrė nūšvėitėma pu Bodhi medio. Gautama tumet pradiejė skleistė sava ėšmėnti aple kentiejėma ėr ėšsėvadavėma nū anuo.