The Doors
 | ||
| Oigmoans | ||
| Richtung | Bluesrock, Psychedelic Rock | |
|---|---|---|
| Grindung | 1965 | |
| Auflesung | 1973 | |
| Hoamseitn | http://www.thedoors.com/ | |
Letzte Besetzung
| ||
Gsang |
Jim Morrison | |
Gitarrn |
Robby Krieger | |
Schlogzeig |
John Densmore | |
Keyboard-Bass, Orgel |
Ray Manzarek | |
The Doors woan a amerikanische Rockmusigruppn. Bstona hod de Gruppn aus Jim Morrison ois Sänga, Ray Manzareck an da Oagl, da Robby Krieger hod Stromgitarrn gspuit und John Densmore woa am Schlogzeig. D´Musi wo de gspuit hom woa ausglegt auf de Hammondorgel und am Jazz. Dazua san de teiweis düstanen Texte vom Morrison kema.
Gschicht
[Werkeln | Am Gwëntext werkeln]Im Summa 1965 hom se da Jim und da Ray am Strond fu Venice bei Los Angeles droffa und D´Legend fazeit, dos an dem Dog da Jim am Ray den Ofang fum Liedl Moonlight Drive voagsunga hod. Am Ray hod des so guad gfoin, das a eam mitgnumma hod um in seina Gruppn (Rick and the Ravens), di ea mid seine Briada ghobt hod, Jims Texte zum spuin. Doraus is nahad nix woan und so san dann eascht da John Densmore und späda da Robby Krieger dazu kema. Am Onfong hods no a Bassistin gem, des hom´s oba dann bleim lossn, weis gmoant hom, s datatn sie zfui noch de Rolling Stones ohean. Am End vom Joa sans donn bei Elektra Records untakema und hom des easchte Oibum ( The Doors ) aufgnumma. Auf dera Scheim woan de bekonntn Stick Break on through, Light my fire und The End. Im Jenna 1967 is de Scheim rauskema und woa a groußa Eafoig.
Im Heabst homs donn scho de zwoate Blotn außebrocht. In dera Zeid is da Jim imma wiada aufgfoin, wei a so fui Drong gnumma und a gsuffa hod. Oft is a zua auf d´Bühne gsting und hod se ned an ois ghoitn. Desweng hod da Ray oft sejba singa miassn.
In dera Zeid woan The Doors oane vu de erfoigsreichstn Rockgruppn vo da Wejd. Glebt hams vu da Bühnenpräsenz vum Jim. Leida hoda 1969 Probleme mim Gsetz griagt, wei a ogebli sein Schnidl bei am Konzeat fiere zart hod. Des hod a Menge Probleme gem, wei d´Vaonstoita sowos ned hom woitn.
1971 is da Jim mid seina Freindin, da Pamela, noch Eiropa gflong, um se vu dera Gschicht zum dahoin. Se hom se in Paris a Wohnung gnumma und se obglenkt (ea hod gsogt, ea bracht a "Freisemester"). Am 3. Juli 1971 is a gstorm und somid woa des des End vu da Gruppn. De ondan hom zwoar no vasuacht weida zum mocha, oba des is nix mea woan.
Diskografie
[Werkeln | Am Gwëntext werkeln]- The Doors 1967
- Strange Days 1967
- Wating for the Sun 1968
- Soft Parade 1969
- Morrison Hotel 1970
- LA Woman 1971