Wikipedia:HotCat
HotCat ye un programa en JavaScript qu'ayuda a los usuarios rexistraos a desaniciar, amestar y camudar categoríes nes páxines de Wikipedia. Tien una llista de suxerencies que propón categoríes esistentes pa completar automáticamemte.
Instalación
[editar la fonte]Pa instalar HotCat, entra nes tos preferencies y escueye la opción HotCat na llingüeta Accesorios.
Otra manera d'instalalo:
- copia y pega el siguiente códigu a la fin de: Special:Mypage/skin.js:
importScript('MediaWiki:Gadget-HotCat.js'); - guarda la páxina, y
- enfresca la caché
- Agora vas tener los signos + y - al llau de les categoríes. Al faer clic sobre ellos puedes desaniciar, amestar o camudar categoríes fácilmente.
Cómo usar HotCat
[editar la fonte]Cada vegada que se carga una páxina, HotCat busca la barra de categoría. Si hai categoríes visibles, amiesta enllaces pa desaniciar, camudar o amestar categoríes fácilmente:
Los nuevos enllaces son:
- "(-)" dempués d'una categoría: al faer clic, desaníciase la categoría.
- "(±)" dempués d'una categoría: al faer clic, ábrese otra barra pa poder camudar esta categoría. * "(+)" a la fin de la llista de categoríes: al faer clic ábrese otra barra pa poder amestar una categoría.
- "(++)" na parte delantera: al faer clic, úsase'l mou multi-cambiu, que permite camudar más d'una categoría.
Cómo desaniciar una sola categoría
[editar la fonte]Pa desaniciar una categoría, fai clic nel enllaz "(-)" que ta cerca del nome de la categoría. Si la páxina contién esta categoría, HotCat va desaniciala automáticamente:
- va abrir una nueva ventana o llingüeta nel navegador cola páxina actual abierta pa la edición;
- va despintar el formulariu d'edición enteru pa que nun pueda editase;
- va editar la páxina pa desaniciar la categoría, y
- va guardar la páxina.
Cómo camudar una categoría
[editar la fonte]Pa camudar una categoría, fai clic sobre l'enllaz "(±)", cercanu al nome de la categoría. Esto va abrir el cuadru d'entrada onde puedes introducir el nome de la categoría.
Cómo añader una categoría
[editar la fonte]P'añader una categoría, fai clic sobre l'enllaz "(+)" a la fin de la llinia de categoríes. Esto va abrir el cuadru d'entrada onde podrás escribir el nome de la nueva categoría.
Cuadru d'entrada
[editar la fonte]
El cuadru d'entrada de HotCat ye cenciellu enforma: un espaciu onde puedes escribir el nome de la categoría, un botón "OK" y otru "Encaboxar". L'iconu indicador ayudaráte a saber si esiste la categoría del nome qu'escribisti. Si esta categoría nun esiste, va apaecer dempués en colloráu, en cuenta de n'azul, coles demás categoríes.
Cuando empieces a escribir, HotCat despliega una llista de suxerencies qu'empiecen polo qu'escribisti. Si faes clic enriba d'una de les suxerencies, ésta copiaráse nel cuadru d'entrada. Si faes un doble clic, ye como si primeru fixeres clic na categoría y dempués en OK.
Nel exemplu que se ve na imaxe, escribimos Alps of, polo que nos amuesa toles categoríes qu'empiecen con eses pallabres. Si dempués escribimos la S, les opciones amenorguen, yá qu'hai menos categoríes qu'empiecen con Alps of S. Si faemos clic enriba d'una de les suxerencies, esta escribiráse na caxa automáticamente.
Si faes clic nel botón Encaboxar, zarraráse'l cuadru d'entrada. Si al contrario faes clic en OK, fadríase'l cambéu, amestando la categoría.
Cambéu múltiple de categoríes
[editar la fonte]
La interfaz d'usuariu de HotCat ye minimalista arré y ta fecha col envís de facilitar y acelerar la interacción. Si faes clic nun enllaz "(-)" pa quitar una categoría, la edición faese darréu; funciona de la mesma manera cuando s'amiesta o se camuda una categoría.
HotCat soporta'l cambéu múltiple simultaneu de categoríes. Si faes clic nel enllaz "(++)" al principiu de la llinia de categoríes, HotCat va usar el mou de cambéu múltiple y l'enllaz "(++)" sustitúyese por un botón de guardáu (save) y tolos cambeos que faigas na páxina guardaránse solamente al facer clic nesi botón. Primeramente'l botón apaez desactiváu. Namái s'activa cuando se faen cambeos de categoríes que precisen guardase.
El mou de cambéu múltiple tamién s'activa automáticamente si hai un campu de categoría abiertu y simultaneamente s'amiesta, camuda o quita otra categoría.
En mou múltiple, la edición nun tien efectu darréu cuando se fai un cambéu o un borráu de categoría y el cambéu namái va vese reflexáu na pantalla, dexando faer cambeos posteriores. HotCat amiesta un númberu cualesquiera d'enllaces "(×)" dempués de cada categoría camudada. Esti ye un enllaz de "desfaer edición" y va poder usase pa desfaer la última aición fecha nesa categoría. Los desanicios (o borráu) de categoríes indíquense col nome en formatu tacháu o cruciáu. HotCat tamién marca los cambeos de categoría ensin guardar con un fondu de color distintu nel enllaz de la categoría correspondiente.
En faciendo clic nel botón de guardáu (save), HotCat va aplicar los cambeos y va abrir la páxina nuna ventana d'edición, onde se van amosar esos cambeos. ¡Recuerda que los cambeos inda nun se guardaron! Revísalos y comprueba que son los que queríes faer y dempués guárdalos como se guarda cualesquier otra edición.
Recuerda que, anque HotCat aplica los cambeos automáticamente cuando se camuda una sola categoría, nel mou múltiple nun lo fai y siempres abre una ventana p'amosar los cambeos fechos, que tendrán de revisase antes de guardar los cambeos definitivamente de mou manual.
Compatibilidá
[editar la fonte]- Safari 3 & 4: Probáu y funcionando dafechu
- Safari 2: Tien problemes (non perxudiciales) pa usar l'enllaz de "cambéu" (±) .
- Firefox 2 & 3: Probáu y funcionando dafechu
- IE 6, 7 & 8: Probáu y funcionando dafechu
- Google Chrome: Probáu y funcionando dafechu
- Opera: Probáu y funcionando dafechu
Tamién ta probáu y confirmáu pa trabayar xunto colos Pop-ups de navegación y wikEd nel formatu d'apariencia (skin) modernu.