Hippopotamidae

Hipopotámidos
	Rangu temporal: Miocenu mediu - Recién
Clasificación científica
Reinu:	Animalia
Filu:	Chordata
Clas:	Mammalia
Orde:	Artiodactyla
Suborde:	Whippomorpha
Familia:	Hippopotamidae; Gray, 1821
Subtaxones
	Trilobophorous † Geze, 1985; ; Hippopotaminae Gray, 1821; Archaeopotamus †; Choeropsis; Hexaprotodon †; Hippopotamus; Saotherium †; Kenyapotaminae † Pickford, 1983; Kenyapotamus; Palaeopotamus;
Consultes
	[editar datos en Wikidata]

Los hipopotámidos (Hippopotamidae) son una familia de mamíferos artiodáctilos que solo cunta con dos especies actuales, l'hipopótamu común (Hippopotamus amphibius) y l'hipopótamu pigméu (Choeropsis liberiensis).

Descripción

Los hipopotámidos son unos mamíferos grandes, de piernes curties, gordoses, y cuerpos en forma de barril. Tienen una cabeza grande, con una boca amplia y fueses nasales asitiaes a lo cimero del focico. Al igual que los gochos, tienen cuatro deos nel pie, pero a diferencia d'estos, utilicen tolos deos pa andar. Los hipopotámidos son ungulaos, pero, a diferencia de la mayor parte d'estos animales, nun tienen pezuñes y cunten nel so llugar con unes almadines de resistente texíu conxuntivo. El so estómagu tien trés cámares, pero nun son verdaderos rumiantes.

Les especies actuales son de piel lliso y escarecen tantu de glándules sebáceas como de glándules sudorípares. La epidermis ye relativamente delgada, polo que se deshidratan rápido n'ambientes secos. Les dos especies qu'esisten difierensobremanera, pola forma de les oreyes, les ceyes son muncho más pronunciaes nel hipopótamu común. L'hipopótamu común ye enforma mayor, yá que mide 1,50 metros hasta la cruz y 3,50 metros de llargor pa un pesu de 1,4 a 3,2 tonelaes, ente que l'hipopótamu pigméu solo mide 1 metru hasta la cruz y de 1,50 a 1,75 metros de llargor y un pesu de 170 a 275 kilogramos. La morfoloxía de les pates tamién ye distinta, los deos son más llargos pa la especie pigmea, que ta más afecha pa la marcha.

Tanto los incisivos como los caninos tipu caniles son de gran tamañu, anque los caninos (caniles) sían con muncho los más grandes, y dambos crécen-yos mientres tola so vida. Los dientes postcaninos son grandes y complexos, afechos pa mazcar la materia vexetal que conforma la so dieta. El númberu d'incisivos varia inclusive ente les mesmes especies, pero la fórmula dental xeneralmente ye: 2-3.1.4.3 / 1-3.1.4.3.

Historia evolutiva

Los hipopotámidos baxen de los antracotéridos, una familia d'artiodáctilos semiacuáticos qu'apaecieron nel Eocenu tardíu, y considérase xeneralmente que s'asemeyaben a hipopótamos pequeños o de cabeza estrecha. Más específicamente, los hipopótamos dixebrense de los antracotéridos en dalgún momentu mientres el Miocenu. N'apaeciendo los hipopotámidos, los antracotéridos entraron nuna fase de decadencia causada por una combinación de cambéu climáticu y competencia colos sos nuevos parientes, hasta que l'últimu xéneru, Merycopotamus, escastense mientres el Pliocenu Tempranu de la India.

Esistieron munches especies de hipopotámidos, pero na actualidá solo sobreviven dos: l'hipopótamu común (Hippopotamus amphibius) y l'hipopótamu pigméu (Choeropsis liberiensis). Son los postreros sobrevivientes de dos llinaxes evolutivos principales, los hipopótamos verdaderos y los hipopótamos pigmeos, respeutivamente; estos llinaxes posiblemente podríen ser consideraos subfamilies, pero les rellaciones ente ellos (amás de ser parientes abondo distantes) nun fueron resueltes.

Taxonomía

La sistemática y taxonomía utilizada sigue fundamentalmente la revisión de Boisserie (2005).^[1]

Xéneru Hippopotamus - hipopótamos verdaderos
- Hippopotamus amphibius - hipopótamu común África
- Hippopotamus antiquus † - Europa ya islles Britániques; Pleistocenu
- Hippopotamus creutzburgi † - Creta; Pleistocenu
- Hippopotamus minor † - Xipre; Pleistocenu a Holocenu
- Hippopotamus melitensis † - Malta; Pleistocenu
- Hippopotamus pentlandi † - Sicilia; Pleistocenu
- Hippopotamus lemerlei † - Madagascar; Holocenu
- Hippopotamus laloumena † - Madagascar; Holocenu
- Hippopotamus gorgops † - África y continente européu; Miocenu tardíu–Pleistocenu mediu
Provisionalmente asitiaos en Hippopotamus:
- Hippopotamus aethiopicus † - Kenia y Etiopía; Pliocenu-Pleistocenu
- Hippopotamus afarensis † - enantes xéneru Trilobophorus
- Hippopotamus behemoth † -
- Hippopotamus kaisensis † - África Central; Pliocenu
- Hippopotamus sirensis † - Marruecos y Arxelia; Pleistocenu
Xéneru Hexaprotodon - hipopótamos asiáticos
- Hexaprotodon bruneti † - Etiopía; Pliocenu
- Hexaprotodon coryndoni † - Etiopía; Pliocenu
- Hexaprotodon crusafonti † - España; Miocenu tardíu (ensin. Hexaprotodon primaevus)
- Hexaprotodon hipponensis † - Arxelia
- Hexaprotodon imagunculus † - Uganda y cuenca del Congo; Pliocenu
- Hexaprotodon iravaticus † - Birmania; Pliocenu-Pleistocenu
- Hexaprotodon karumensis † - Kenia y Eritrea; Pleistocenu
- Hexaprotodon madagascariensis † - Madagascar; Holocenu
- Hexaprotodon namadicus † - India; (posiblemente'l mesmu que Hex. palaeindicus)
- Hexaprotodon palaeindicus † - India;
- Hexaprotodon pantanellii † - Italia; Pliocenu
- Hexaprotodon protamphibius † - Kenia & Chad; Pliocenu
- Hexaprotodon siculus † -
- Hexaprotodon sivalensis † - India
- Hexaprotodon sp. † (non descritu) - Myanmar
- Especies indonesies non descrites †; Pleistocenu

Xéneru Archaeopotamus - enantes incluyíu en Hexaprotodon
- Archaeopotamus harvardi † - Arabia y África Central; Miocenu-Pliocenu
- Archaeopotamus lothagamensis † - Kenia; Miocenu
1-2 especies ensin describir
Xéneru Choeropsis - hipopótamos pigmeos
- Choeropsis liberiensis - hipopótamu pigméu
Xéneru Saotherium - enantes incluyíu en Hexaprotodon
- Saotherium mingoz Chad; Pliocenu

Referencies

↑ Boisserie identifica la especie Hippopotamus minor como Phanourios minutus, pero esti xéneru nun ta reconocíu por toles autoridaes.

Bibliografía

Boisserie, Jean-Renaud (2005). «The phylogeny and taxonomy of Hippopotamidae (Mammalia: Artiodactyla): a review based on morphology and cladistic analysis» (n'inglés). Zoological Journal of the Linnean Society 143 (1): páxs. 1-26. doi:10.1111/j.1096-3642.2004.00138.x.
Petronio, C.. «Note on the taxonomy of Pleistocene hippopotamuses» (n'inglés). Ibex - Journal of Mountain Ecology (3): páxs. 53-55. Archivado del original el 2008-09-12. https://web.archive.org/web/20080912012236/http://www.mountainecology.org/IBEX3/pdf/Art_Capitolo1/note_taxonomy_pleistocene.pdf. Consultáu'l 2018-07-22.

[1] Boisserie identifica la especie Hippopotamus minor como Phanourios minutus, pero esti xéneru nun ta reconocíu por toles autoridaes.

[1]