Birmingham (Alabama)

Birmingham
	flag of Birmingham, Alabama (en)
Alministración
País	Estaos Xuníos
Estaos	Alabama
Condáu	condáu de Jefferson
Tipu d'entidá	ciudá de los Estaos Xuníos
Mayor of Birmingham, Alabama (en)	Randall Woodfin
Nome oficial	Birmingham (en)
Nome llocal	Birmingham (en)
Nomatu	The Magic City (en)
Códigu postal	35201
Xeografía
Coordenaes	33°31′03″N 86°48′34″W / 33.5175°N 86.8094°O
	Birmingham Birmingham (los EE.XX.)
Superficie	384.944955 km²
Altitú	187 m
Llenda con	Bessemer (es)
Demografía
Población	200 733 hab. (2020)
Porcentaxe	100% de condáu de Jefferson
Densidá	521,46 hab/km²
Viviendes	91 598 (31 avientu 2020)
Más información
Fundación	1871
Prefixu telefónicu	205
Estaya horaria	UTC−06:00
Llocalidaes hermaniaes	Rosh HaAyin, Anshan, Cobán (es) , Maebashi, Pilsen, Pomigliano d'Arco (es) , Székesfehérvár, Vínnytsia y Gweru
	birminghamal.gov

Birmingham ye una ciudá del estáu d'Estaos Xuníos d'América d'Alabama, asitiada na fastera centruseptentrional d'esti. Ye, colos sos 200 733 habitantes (2020)^[2]^[3], la más poblada del estáu. La so área metropolitana, l'área estadística metropolitana Birmingham-Hoover, tien una población de 1.151.801 habitantes, que faen d'ella la mayor del estáu y la 49ª mayor de los Estaos Xuníos. La ciudá, que ye la sede alministrativa del condáu de Jefferson, ye un importante nudu rexonal de comunicaciones d'esta fastera del país.

La ciudá foi fundada en 1871, na dómina de la nomada Reconstrucción, la etapa que siguió a la guerra civil, pola fusión de trés pueblos agrícolas. La nueva ciudá recibió'l nome de la ciudá inglesa homónima, la segunda mayor d'Inglaterra d'aquella y un centru industrial perimportante. La nueva ciudá foi anexonándose los pueblos vecinos, y convirtióse nún centru industrial perimportante, rescamplando ente les sos actividaes económiques la minería, la industria siderúrxica (fierro y aceru) y la del ferrocarril (víes, trenes). Pa consiguilo aprovechó la ventaxa competitiva de los sos baxos salarios: los trabayadores non sindicaos, d'orixe italianu ya irllandés xunta inmigrantes de los pueblos del estáu y xente de raza negra, cobraben menos que los sos compañeros de les ciudaes industriales del Noreste y el Mediu Oeste. De magar la so fundación, y hasta'l final de la década de 1960, Birmingham foi ún de los principales centros industriales, xunto con Atlanta, del sur del país. La so rápida medría ente 1881 y 1920 valió-y los nomatos de "The Magic City" (Ciudá Máxica) y "The Pittsburgh of the South" (La Pittsburgh del sur, en referencia a esa ciudá industrial del noreste del país). La economía entamó a diversificase na segunda metá del sieglu, cuando entamaron a pesllar les factoríes siderúrxiques. De resultes, los sectores bancariu, de telecomunicaciones, llétricu, del tresporte, sanitariu, educativu y de seguros tienen convertíose nes principales actividaes económiques de la ciudá, que ye ún de los principales centros bancarios del país y ún de los más importantes centros de negocios del Sureste.

El sector de la educación superior ta bien representáu na ciudá. Nella asítiense, de magar 1947, la Facultá de Medicina y la Facultá d'Odontoloxía de la Universidá d'Alabama, y desde 1969 ún de los trés campus del sistema universitariu públicu del estáu tien la so sé na ciudá. Hai, tamién, trés universidaes privaes: la Universidá Samford, la Universidá Birmingham-Southern y el Miles College.

Ver tamién

Pa ver otros sitios col mesmu nome: Birmingham
Persones de Birmingham

Referencies

↑ Identificador GeoNames: 4049979.
↑ «Censo de los Estados Unidos de 2020». Consultáu'l 21 setiembre 2021.
↑ Censo de los Estados Unidos de 2020 ^(es)

Enllaces esternos

Sitiu web oficial (n'inglés)

[1b7bc142892bb07cb7e5d04641d27191bec18aaf-1] Identificador GeoNames: 4049979.

[33ccfb32bfcba3462632bb11d4dad6a87ed1b2c6-2] «Censo de los Estados Unidos de 2020». Consultáu'l 21 setiembre 2021.

[3] Censo de los Estados Unidos de 2020 ^(es)

[1]

[2]

[3]