قناة الجزيره
| ||||
|---|---|---|---|---|
 | ||||
 | ||||
| معلومات عامه | ||||
| المالك | شبكة الجزيره الإعلاميه | |||
| المؤسس | حمد بن خليفة ال ثانى | |||
| تاريخ التأسيس | 1 نوفمبر 1996 | |||
| البلد |  | |||
| المقر الرسمى | الدوحه (قطر ) | |||
| الموقع الرسمى | الموقع الرسمى (عربى ) | |||
| صفحة فيسبوك | aljazeerachannel، وaljazeerapr | |||
| صفحة تويتر | AJArabic، وAJABreaking، وaljazeera | |||
| قناة الجزيره الفضائيه Aljazeera Satellite Channel | |
|---|---|
| ملف:Al Jazeera HD.png | |
| Launched | 1 نوفمبر 1996 |
| Owned by | شبكة الجزيره الاعلاميه |
| Country | قطر |
| Broadcast area | قطر |
| Headquarters | الدوحه, قطر |
| Availability | |
| Terrestrial | |
| نيل سات | UHF service |
| Freeview HD (UK) | Channel 84 |
| Satellite | |
| عرب سات | 12034 H - 27500 - 3/4 |
| Cable | |
| Virgin Media (UK) | Channel 831 |
| Mozaic TV | Channel 100 |
| CableVision (لبنان) | Unknown |
قناة الجزيره هى قناه تليفزيون فضائيه مقرها فى دولة قطر. ابتدو يبثوها سنة 1996 و حققت شهره و انتشار على مستوى العالم كله بعد احداث 11 سبتمبر لانها اذاعت كذا شريط ڤيديو و تسجيل صوتى لاسامه بن لادن و دراعه اليمين ايمن الظواهرى القياديين فى تنظيم القاعده. شبكة قنوات الجزيره فيها قنوات كتيره زى الجزيرة الاخبارية (عربى و انجليزى) و الجزيره مباشر و الجزيره الوثائقيه و الرياضيه 4 قنوات والاطفال و براعم.
من الانتقادات اللى اتوجهت للقناه دى ، جنب برامج الصراخ و الخناق ، انها بتعرض كمان مناظر مريعه لمقاتيل و مشوهين و ما بتحترمش حرمة الضحايا زى القنوات التانيه و ممكن تأثر على نفسية المشاهدين و خاصة الاطفال.
بتختلف الاراء حوالين قناة الجزيره، وهي قناة بتمول برامجها شركات الجاز والغاز الغربيه، فيه ناس بيعتبروها قناه حره حسنة النيه لكن فيه بيشكو فى طبيعتها و اهدافها و بيعتبروها اداه فى ايد دولة قطر و ممكن جهات تانيه اتسخرت ليها الاموال و الاجهزه و الدعايه و الامكانيات للوى دراع الدول اللى مش على هواها و تشويه صورتها و ابتزازها خاصة ان القناه على الرغم من انها بتنتقد بلاد معينه و بتحاول تثير شعوبها ضد حكوماتها لكن عمرها ما بتنتقد اى حاجه فى دولة قطر و اللى بتنتمى ليها وكإنها اتعملت لأهداف معينه. بيتقال ان القناه مسيطر عليها الاخوان المسلمين.[1][المصدر ما بيأكدش ده ]
بيقول الكاتب عادل درويش فى جورنال الشرق الأوسط العدد 11260 إن فيه دويلات صغيره بتحاول تضخم شخصيتها، و بيقول الباحث و المحلل مأمون فندى فى العدد 9442 إن قوى الظلاميه بتسيطر على قناة الجزيرة، و بيقول الكاتب محمد على ابراهيم أن قناة الجزيرة إعلام بعين واحده " يري عيوب الاخرين ويجسدها ويضخمها ويعجز عن رؤية عيوبه وثقوبه اللى تملأ الجزيرة الصغيرة اللى يعرفها العالم باعتبارها المكان الذي توجد فيها اكبر قواعد عسكرية امريكية خارج الولايات المتحدة، كما أنها تحظي باكبر تواجد للجنود والضباط الامريكيين اللى يصل عددهم إلي 45 الف جندي وهم رقم اكبر من الجيش القطري نفسه".
فى مقاله عنوانها " جزيرة الشيطان " بيقول الصحفى نصر القفاص : " اذا كان فى الوطن العربي قناة اسمها قناة الجزيرة فعلينا أن نحذر من المستقبل بكل ماتهب علينا رياحه من خبث وخبائث ومؤامرات!!" [2]
مع فقدان المصداقيه و عرض صور العنف و برامج الصراخ و العنف الصوتى و ظهور قنوات فضائيه كتيره تانيه ضاع من قناة الجزيره بريقها اللى بدأت بيه.
من أغرب مشاكل الجزيره كان اتهام قناة العربيه ليها بإنها بتحرض على مذيعيها و قالت قناة العربيه : " صدم الوسط الإعلامي بنشر دعوات تتهجم على برنامج "صناعة الموت" الذي تبثه اسبوعيا قناة العربية. وكان موقع حواري لقناة الجزيرة سمح لمشاركيه بالتهجم على قناة "العربية" وبرنامجها وتضمن الهجوم الكلامي دعوات صريحة بقتل المذيعة ريما صالحة اللى تقدم البرنامج ".
الجزيره اختلقت مشكله مع مصر بعد ما زعمت ان مصر شوشت على افتتاح مؤتمر عربى اتعمل فى قطر و بعدين اتهمتها انها شوشت على القمر الصناعى المصرى اللى كان بينقل مباريات كرة القدم بتاعة كاس العالم 2010 اللى بتذيعها الجزيرة و بعد كده اتهمت الأردن.
فى 29 اكتوبر 2010 قفلت المغرب مكاتب قناة الجزيره فى المغرب بعد ما أتهمتها بإنها انحرفت عن قواعد العمل الصحفي الجاد والمسؤول. و وصفتها انها اتمادت فى قصد الإساءه للمغرب و التركيز على الجوانب السلبيه فيه و المساس بوحدة التراب المغربى.
وقت مظاهرات و احداث يناير 2011 فى مصر شنت الجزيره التابعه لدولة قطر حمله منظمه ضد نظام الحكم فى مصر بطريقه استغلاليه مش حياديه و كإنها طرف فى الأحداث بيحاول يثير الجماهير و بيوجها مش مجرد جهاز إعلامى بينقل اخبار لدرجة انها كانت بترشد النهابين عن الاماكن اللى مفيهاش حراسه زى المتاحف و المستشفيات الكبيره ، و فتحت خط تليفونى لتلقى اللى سمته " استغاثات ". نتيجة كده اضطرت السلطات المصريه فى 30 يناير 2011 لقفل مكتب الجزيره القطريه فى القاهره و وقف ارسالها على القمر الصناعى المصرى نيل سات. فى 4 فبراير 2011 قناة الجزيره حطت فى الصفحه الاولى فى موقعها على الانترنت شعار " معاً لإسقاط مصر ". الجزيره بعد ما شالت الشعار قالت ان الموقع كان مخترق.
اظهرت وثايق سريه نشرها موقع " ويكيليكس " فى نوفمبر 2010 إن قطر بتستخدم قناة الجزيره كأداه للمساومه فى مفاوضاتها مع الدول.
استخدام حرف الغين فى التعريب
شوف كمان :جيم مصريهفيه حركه بتقودها قناة الجزيره ، فى الترويج لتعريب الكلام الاجنبى اللى فيه صوت [ɡ] بحرف الـ"غ" بدل ما هو متعارف عليه فى الخليج ، بحرف الـ"ق" او فى مناطق تانيه ، بحرف الـ"ج" او الـ"ك".
كلام معروف من زمان بحرف الـ"ج" لإن اول اللى عربوه كانو مصريين ، زى جولدن جلوب (Golden Globe) بتتكتب "غولدن غلوب" فى قناة الجزيره.[3]
فهرست و ملحوظات
- ↑ عبد الله العتيبى ، خوازيق أردوغان ، العربيه.نت، يوم 111 ، 9 يونيه 2010.[المصدر ما بيأكدش ده ]
- ↑ نصـــر القفــاص ، اسمعونى، جزيرة الشيطان، جورنال الأهرام، عدد 4483، 25 أكتوبر 2009.
- ↑ سعد، نهى. "توم كروز يعيد 3 جوائز ونتفليكس تعلن مقاطعتها.. "غولدن غلوب" تواجه حملة شرسة بسبب عنصرية حكامها". www.aljazeera.net (بالعربية). اطلع عليه بتاريخ 2022-12-25.
لينكات و مصادر
- الجزيرة تضع شعار معا لإسقاط مصر على صدر موقعها الإخبارى ... Archived 2012-01-19 at the Wayback Machine
- ويكيليكس: قطر تستخدم "الجزيرة" لضرب استقرار مصر ... Archived 2011-02-05 at the Wayback Machine
- قطر تستخدم "الجزيرة" كأداة مساومة فى مفاوضاتها مع الدول ...
- وقف قناة الجزيرة عن العمل فى مصر وقطع بثها على القمر المصري ... Archived 2011-02-02 at the Wayback Machine
- هل لـ"الجزيرة" اهداف طائفية خبيثة؟ ... Archived 2011-01-07 at the Wayback Machine
- الحياد الإعلامى الضائع فى قناة الجزيرة ...
- الكويت تغلق قناة الجزيرة ...
- إغلاق مكتب الجزيرة فى المغرب ...
- قناة الجزيرة تتهم الاردن بالتشويش على مباريات الكره ... Archived 2012-01-04 at the Wayback Machine
- الجزيرة تتهم نايل سات المصرية بالتشويش وقت المبارايات ... Archived 2010-06-14 at the Wayback Machine
- الجمهورية تتهم قناة الجزيره وقطر ... Archived 2009-06-03 at the Wayback Machine
- قطر تشن حرب فضائية ضد القمر الصناعى المصرى ... Archived 2010-11-20 at the Wayback Machine
- قناة الجزيرة تتهم مصر بالتشويش على إرسالها وقت اجتماع عربى فى قطر ...
- مأمون فندى عن قناة لجزيرة ... Archived 2012-01-19 at the Wayback Machine
- الوجود العسكري الامريكي فى قطر ... Archived 2009-12-02 at the Wayback Machine
- العربية : ويكيليكس": قطر تمنح امريكا قاعدة "العديد" مجاناً وتمولها بنسبة 60% ...
- ولكن لماذا الجزيرة؟ ...
- تونس تتهم قناة الجزيره ... Archived 2009-08-18 at the Wayback Machine
- الجزائر تتهم قناة الجزيره ... Archived 2007-12-22 at the Wayback Machine
- الأردن تتهم قناة الجزيره[permanent dead link]
- العراق يتهم قناة الجزيره ...[permanent dead link]
- قناة العربية تتهم قناة الجزيره بالتحريض ضد مذيعيها ...
- إعتقال متطرف هاجم شيخ الازهر و مصر على قناة الجزيرة ... Archived 2009-10-30 at the Wayback Machine
