ادوارد لين
| ||||
|---|---|---|---|---|
 | ||||
| معلومات شخصيه | ||||
| الميلاد | 17 سبتمبر 1801 [1][2][3][4][5] | |||
| الوفاة | 10 اغسطس 1876 (75 سنة)[1][2][5] | |||
| مواطنه | .svg) | |||
| الحياه العمليه | ||||
| المهنه | كاتب [6] | |||
| اللغات المحكيه او المكتوبه | انجليزى [7]، وعربى | |||
| مجال العمل | علم اللغويات | |||
تعديل مصدري - تعديل  | ||||
ادوارد وليام لين - Edward William Lane - ( هيرفورد ، انجلترا ، 17 سبتمبر 1801 - ورثينج ، ساسيكس ، انجلترا 10 اغسطس 1876 )، مستشرق و مؤرخ انجليزى كبير ، عاش فى مصر مده طويله و اتقن المصرى و العربى. اهم اعماله " اخلاق المصريين المعاصرين و عاداتهم " Manners and Customs of the Modern Egyptians ( اتنشر 1836 ) و ترجمته لـ " الف ليله و ليله " اللى دون انها حكايات كتبها مؤلف مصرى من العصور الوسطى.
اتولد ادوارد لين فى هيرفورد فى انجلترا سنة 1801. ابوه كان راجل دين اسمه ثيوبيلوس لين Theopilus Lane ، و كان من ناحية امه يقرب للرسام توماس جينسبورو Thomas Gainsborough. بعد ما اتوفى ابوه سنة 1814 دخل مدرسة فى مدينة باث Bath و بعدين اتنقل لمدرسه فى هيرفورد Hereford و اظهر قدرات فى الرياضيات. ادوارد راح عاش مع اخوه ريتشارد فى لندن و درس معاه النحت و بعدين ابتدا يدرس عربى لكن صحته تعبت فسافر على مصر عشان الشمس و عشان يدرس.
وصل ادوارد لين اسكندريه سنة 1825 و بعد ما قعد شويه هناك طلع ع القاهره و عاش هناك سنتين و نص جنب باب الحديد و اختلط بالمصريين و هو لابس لبس تركى. درس لين المصرى و العربى على ايد الشيخ محمود عياد الطنطاوى و دون كل حاجه لاحظها او وقعت عينه عليها ، ورجع على انجلترا فى خريف 1828.
اهتم لين بتاريخ و اثار مصر القديمه و كان عايز ينشر كتاب " وصف مصر " Description de l´Egypte الضخم اللى كتبوه الفرنساويه ، و بعد ما وافق الناشر جون موراى John Murray رجع فى كلامه و نصحه انه يتوسع فى فصل من فصول الكتاب و يزود عليه فأخد لين بالنصحيه و رجع ادوار مصر عشان يجمع معلومات اكتر يكبر بيها الفصل اللى عمل منه كتاب سماه " اخلاق المصريين المعاصرين و عاداتهم " Manners and Customs of the Modern Egyptians و نشره سنة 1836.
مشكلة لين انه ماكانش بيقدر يجمع معلومات عن الستات و حياتهم لإن المجتمع المصرى المتعثمن اياميها كان منغلق لكن بعد كده قدر يتغلب ع المشكله دى بإنه كان بيبعت اخته صوفيا عشان تجمع له معلومات من الستات فى مجتمعاتهم المقفوله زى فى الحمامات و الاماكن دى ، و بالمعلومات اللى جمعها نشر دراسه اسمها " سيده انجليزيه فى مصر: رسايل من القاهره " Englishwoman in Egypt: Letters from Cairo.
بعد كده ابتدا لين يترجم كتاب " الف ليله وليله " و نشره فى تلت اجزاء سنة 1840 و نشر نسخه منقحه سنة 1859. لين دون فى المقدمه ان الف ليله و ليله اصلها مصرى كتبها مؤلف مصرى من العصور الوسطى و نجحت الترجمه نجاح كبير و اعتبرها نقاد احسن ترجمه اتعملت للحواديت.
عمل ادوارد لين دراسه اجتماعيه عن المجتمع فى العصور الوسطى مستخلصه من الف ليله و ليله.
فى سنة 1840 اتجوز لين مصريه-يونانيه اسمها نفيسه و كتب دراسات و مقالات. و ترجم جزء من القرآن نشره سنة 1843 ، و ابتدا يكتب قاموس لكن ما كملهوش لانه اتوفى سنة 1876 بعد ما وصل لحرف " قاف "
فى سنة 1854 نشر ابن اخته ريجنالد ستيوارت بول كتاب مش معروف اسم مؤلفه عنوانه " اصل الارض و الانسان " The Genesis of the Earth and of Man فيه بيعتقدو ان مؤلفه هو ادوارد وليام لين.
مصادر
[تعديل]- ↑ أ ب مُعرِّف المكتبة الوطنية الفرنسية (BnF): https://catalogue.bnf.fr/ark:/12148/cb13567114b — تاريخ الاطلاع: 10 اكتوبر 2015 — المؤلف: مكتبة فرنسا الوطنية — العنوان : اوپن ڈیٹا پلیٹ فارم — الرخصة: رخصة حرة
- ↑ أ ب معرف كاتب في قاعدة بيانات الخيال التأملي على الإنترنت: https://www.isfdb.org/cgi-bin/ea.cgi?163689 — باسم: Edward William Lane — تاريخ الاطلاع: 9 اكتوبر 2017
- ↑ أ ب ت العمل الكامل مُتاحٌ في: http://www.oxfordreference.com/view/10.1093/acref/9780195382075.001.0001/acref-9780195382075 — المحرر: ايمانويل ك و هنرى لويس جيتس — العنوان : Dictionary of African Biography — الناشر: دار نشر جامعة اكسفورد
- ↑ مُعرِّف موسوعة بروكهوس على الإنترنت: https://brockhaus.de/ecs/enzy/article/lane-edward-william — باسم: Edward William Lane — تاريخ الاطلاع: 9 اكتوبر 2017
- ↑ أ ب مُعرِّف دايموند للأشخاص والهيئات: https://opac.diamond-ils.org/agent/1573 — باسم: Edward William Lane
- ↑ العمل الكامل مُتاحٌ في: https://www.bartleby.com/lit-hub/library — المحرر: تشارلز دودلى وارنر — العنوان : Library of the World's Best Literature
- ↑ http://data.bnf.fr/ark:/12148/cb13567114b — تاريخ الاطلاع: 10 اكتوبر 2015 — المؤلف: مكتبة فرنسا الوطنية — الرخصة: رخصة حرة