بشار لأسد
بشار لأسد
| ||
| ||
| معلومات عامة | ||
| زيادة | 11 شتنبر 1965 (59 عام) ديمشق | |
| لجنسية | سوريا | |
| لحرفة | راجل دولة | |
| لّوغات لي كيعرف | عربية، نڭليزية و لفرانساوية | |
| لفاميلة | ||
| لواليد | حافظ الأسد | |
| لواليدة | أنيسة مخلوف | |
| خوت | باسل الأسد، ماهر الأسد، مجد الأسد و بشرى الأسد | |
| شريك | أسماء الأسد (2000–) | |
| لولاد | حافظ بشار ديوس الأسد زين الأسد كريم الأسد | |
| لمحيط | علي سليمان الأسد (جد) هلال الأسد (ابن عم) رفعت الأسد (عم) جميل الأسد (عم) ناعسة شاليش (جدة) رامي مخلوف (ولد لخال) محمد مخلوف (خال) آصف شوكت (راجل خت) | |
| معلومات خرى | ||
| دين | نصيرية | |
| لحيزب | حزب البعث العربي الاشتراكي – قطر سوريا | |
| لعسكر | ||
| لڭراد | ماريشال | |
| لحروب | لحرب ف سوريا | |
| لجوايز |
| |
| ||
 
| ||
بشار لأسد (مزيود ف 11 شتنبر 1965) سياسي و ضابط عسكاري سوري لي كان الرئيس نمرة 19 د سوريا من عام 2000 تال فاش طاح النظام ديالو ف 8 دجنبر 2024. لأسد كان لكوماندان ديال لقوّات د الجيش السوري، و لأمين لعام ديال حيزب لبعت لعربي لإشتراكي. هوّ ولد حافظ لأسد، لي كان رئيس د سوريا من 1971 تال 2000 فاش توفى.
ف التمانينات د لقرن 20 كان لأسد كمّل قرايتو باش يولي طبيب، و ف التسعينات كان خدام ف لندن كا طبيب د لعيون. ف 1994 خوه باسل لأسد توفى ف كسيدة ب الطونوبيل، و تعيّط ل بشّار باش يرجع ل سوريا و يولّي خليفة ديال بّاه. بشّار دخل ل لأكاديمية لعسكارية، و كان مكلّف ب لوصاية السورية على لبنان ف 1998. ف 17 يوليوز 2000 ولّا رئيس مور بّاه لي كان مات ف 10 يونيو.[1]
بزاف د لأكاديميين و لمحللين كيوصفو لحكم ديال لأسد بلي كان ديكتاتورية شخصية،[2] لي كانت حاكمة سوريا كا دولة بوليسية شمولية.[3] النظام معروف عليه بلي دار بزاف د لخروقات د حقوق بنادم، و مارس قمع كبير ضد الشعب. وخا النظام ديال لأسد كان كيوصف راسو بلي راه علماني، بزاف د لمحللين السياسيين ڭالو بلي كان كيستاغل الصراعات الطائفية ل صالحو. بشار لأسد ورت قلدات د لحكم مبازين على عبادة الشخصية من عند بّاه حافظ لأسد، ولايني ماقدرش يخلق نفس لمفعول ديال لولاء و التبعية، و واجه مقاومة ضد لحكم ديالو. هادشي أدى ل بزاف د لأعضاء د النظام لقديم يستاقلّو ولّا يتحيّدو، و لمقربين من النظام ولّاو من الطائفة الشيعية لعلوية لي كاتنتامي ليها فاميلة لأسد. التحرير لإقتصادي لي دار لأسد ضعّف لإقتصاد السوري، زاد لفروقات الطبقية، و ركّز السلطة ف يدو و يد لأتباع ديالو ف دمشق، ف لوقت لي الساكنة لقروية ف سوريا، الطبقة د لعمّال، التجار و الناس د لبيزنيس و الصناعة، و تا لأعضاء لقدام د النظام، ولاو مهمّشين. التورة لي ناضت ف لبنان، من مور لإغتيال ديال رئيس لوزارا اللبناني رفيق لحريري، ضطرات لأسد باش يسالي لوصاية السورية على لبنان ف فبراير 2005.
ف 2011، بزاف د لبلدان و لهيئات دعاو لأسد باش يتخلى على لحكم، بعدما قمع لمضاهرات بشكل عنيف ف لأحدات ديال ربيع الشعوب لي أدّاو ل التورة السورية و لحرب لأهلية د سوريا. لحرب قتلات 580000 واحد، منهم 306000 علّ لقليلة ماشي مقاتلين. على حساب الريزو السوري د حقوق بنادم، كتر من 90% ديال لقتلى تسببو فيهم لقوّات ديال لأسد.[4] لحكومة ديال لأسد رتاكبات عدد ديال الجرائم د لحرب ف لوقت ديال لحرب لأهلية،[3] و لارمي ديالها دارت بزاف د لهجمات ب السلاح لكيماوي (منها مجزرة لغوطة ب ڭاز سارين ف 2013).[5]
ف نونبر 2024، مجموعة ديال لمسلحين د لمعارضة دارو هجمات ضد النظام د لأسد.[6][7] ف 8 دجنبر، دخلو ل دمشق، و بشار لأسد هرب ل روسيا، لي عطاتو اللجوء السياسي.[8][9] هادشي أدى ل الطيحة ديال النظام د لأسد ف نفس النهار.[10][11][12]
- ^ "ICG Middle East Report: Syria Under Bashar" (PDF). European Parliament. 11 February 2004. تطّالع عليه ب تاريخ 30 November 2024.
- ^ Sources characterising the Assad family's rule of Syria as a personalist dictatorship:
- ^ a b Multiple sources:
- ^ "Civilian Death Toll". SNHR. September 2022. مأرشيڤي من لأصل ف 5 March 2022.
- ^ "Security Council Deems Syria's Chemical Weapon's Declaration Incomplete". United Nations: Meetings Coverage and Press Releases. 6 March 2023. مأرشيڤي من لأصل ف 14 March 2023.
- ^ Abdulrahim، Raja (7 December 2024). "The leader of Syria's rebels told The Times that their aim is to oust al-Assad". The New York Times. تطّالع عليه ب تاريخ 7 December 2024.
- ^ "Syrian army command tells officers that Assad's rule has ended, officer says". Reuters.
- ^ Gebeily، Maya؛ Azhari، Timour (8 December 2024). "Syria's Assad and his family are in Moscow after Russia granted them asylum, say Russian news agencies". Reuters. تطّالع عليه ب تاريخ 8 December 2024.
- ^ "Bashar al-Assad and family given asylum in Moscow, Russian media say". BBC News.
- ^ "Syrian rebels topple President Assad, prime minister calls for free elections". Reuters. 7 December 2024. تطّالع عليه ب تاريخ 7 December 2024.
- ^ "Assad flees to Moscow after rebels take Syrian capital, Russian state media report". CBC News. 9 December 2024. تطّالع عليه ب تاريخ 9 December 2024.
- ^ "Syria's President Bashar al Assad is in Moscow and has been granted asylum, confirms Russian state media". 8 December 2024.