Campionato d'o Mundo d'Atletismo de 2015

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Campionato d'o Mundo d'Atletismo de 2015, fue a XV edición d'o Campionato d'o Mundo d'Atletismo organizato por l'Asociación Internacional de Federaciones d'Atletismo (IAAF) y a Federación China d'Atletismo. As prebas se facioron en o Estadio Nacional de Pekín, conoixito como el niu, d'a ciudad china de Pequín, dende o 29 d'agosto dica o 4 de setiembre.^[1]

En o medallero por países, d'os 43 países que ganoron medalla, Kenya estió primero en o medallero por primera vegata en a suya historia con siet medallas d'oro, seis d'archent y tres de bronce. O país que aconsiguió mes medallas estió Estaus Unius con 18, pero con seis d'oro, seis d'archent y seis de bronce estió dezaga de Kenya en o medallero. Rusia, primera en l'anterior edición estió novena por a suya renuncia a partecipar con gran parti d'os suyos atletas por os problemas de dopache que tien a suya federación y finalment destacar que l'anfitriona China estió 11ena. en o medallero.

A nivel individual masculín bi ha de destacarse-hi a Usain Bolt con tres medallas d'oro, a Mo Farah con dos, a Ezequiel Kemboi con o suyo cuatreno títol en a preba de 3.000 m obstaclos, y de David Rudisha o segundo títol de 800 metros lisos, a mas a mas d'as vistorias de Christian Taylor en triple brinco con una marca muit cercana a o récord d'o mundo y de Ashton Eaton en a preba de decatlón superando o suyo récord d'o mundo anterior.

Estre as sorpresas bi ha de destacarse-hi as victorias d'os kenyatas Julius Yego en a preba de tirada de chabalina, o primer títol de Kenya en una preba de campo, y Nicholas Bett en os 400 metros cletas. Atras victorias sorpresas a destacar son as d'o canadiense Shaw Barber en brinco con percha y a preba de maratón con l'eritreo Ghirmay Ghebreslassie con a primera medalla d'oro aconseguida ta Eritrea en os Campeonatos d'o Mundo d'atletismo.

En a categoría femenina destacar as dos medallas d'oro de Shelly-Ann Fraser-Pryce, Anita Włodarczyk con una tirada muit cercana a o suyo récord d'o mundo de martillo, a Liu Hong en os 20 km marcha, as dos medallas de Genzebe Dibaba, una d'oro y un atra de bronce y o triplete (medalla d'oro, archent y bronce) d'Etiopia en os 5.000 metros lisos con Almaz Ayana, Senbere Teferi y Genzebe Dibaba, a mas a mas d'a primera victoria d'Allyson Felix en 400 metros lisos en a que ye a suya nouena medalla d'oro en os campionatos y a trecena en total.